Oqıǵa ornyna barǵan jedel-tergeý toby sharýa qojalyǵynyń basshysy men 36 jastaǵy er adam arasyndaǵy janjaldyń órship, saldarynan okrýg ákiminiń ajal qushqanyn anyqtady.
"Janjal barysynda fermer jábirlenýshiniń ishine pyshaq jaraqatyn salǵan. Oqıǵa saldarynan 36 jastaǵy er adam qaıtys boldy", - dep habarlady Polisia.kz
Osy fakti boıynsha QR QK-niń 99-babynyń 1-bóligimen (Kisi óltirý) qylmystyq is qozǵaldy. Qajetti saraptamalar taǵaıyndaldy, kúdikti qamaýǵa alyndy.
Qarabulaq aýyly ákimdigi oqıǵany rastaǵanymen, mán-jaıyn ashyp aıtpaı otyr. BAQ ókilderine:
"Sizge aqparat beretin adam joq. Munda eki-aq adam jumys isteıdi. Biri ákim, ekinshisi maman. Ákimge qatysty aqparatty estip otyrmyz. Oqıǵanyń mán-jaıyn naqty bilmeımin. Jalpy aýylda negizi 500 adam turady", - dep jaýap bergen Qarabulaq aýyly ákimdiginiń ókili.
Oblystyq densaýlyq saqtaý basqarmasynyń málimetinshe, ákim pyshaq jaraqatynan kóp qan joǵaltqan. Aýdandyq aýrýhanaǵa jetkizgen kezde onyń kóz jumǵanyna kóz jetkizilgen. Egjeı-tegjeıli tergeý isi júrip jatyr.
"Adyrna" ulttyq portaly
