Búgin – ánshi, KSRO jáne Qazaqstan halyq ártisi, Qazaqstannyń eńbek sińirgen ártisi, KSRO jáne Qazaqstan memlekettik syılyǵynyń laýreaty, Soıalıstik Eńbek Eri Bıbigúl Tólegenovanyń týǵan kúni, dep habarlaıdy “Adyrna” ulttyq portaly.
Bıbigúl Tólegenova – 1929 jyly 16 jeltoqsanda Semeı qalasynda dúnıege kelgen. Ákesi skrıpkada oınap, anasy án salǵan januıada árqashan áýezdi áýen estilgen. Biraq, 1937 jyly ákesi Ahmet qamaýǵa alynyp, iz-túzsiz joǵalyp ketedi.
Keshki mekteptiń 7-synybynda oqıtyn Bıbigúl eńbekke erte aralasyp, aýrýshań anasyna qolǵabys bolyp, et kombınatynyń klýbyna kınomehanık bolyp ornalasady. Ánsúıer qyzdyń basty maqsaty - jumys barysynda ónerge jaqyn bolyp, kórkemónerpazdar úıirmesine qatysý edi. Alaıda, 1945 jyly úıdegi qarjy máselesiniń qıyndaýyna baılanysty ol et kombınatynyń temir-qalbyrlyq ehyna aýysady.
II Dúnıejúzilik soǵys jyldarynda Semeıge, sondaı-aq, Qazaqstannyń barlyq qalalaryna Astanadan ǵalymdar, ádebıetshiler, mýzykanttar kóshirildi. Kórkemónerpazdar kórsetilimderiniń birinde Bıbigúl Tólegenovany keńes jazýshysy G. I. Serebrıakova baıqap, oǵan alǵashqy mýzyka sabaqtaryn berdi.
1951 jyly Almaty konservatorııasynyń stýdentin Qazaq radıosy solıst bolýǵa jumysqa shaqyrady. Al 1954 jyly ustazy N.N. Samyshınomen birge Búkilodaqtyq vokal konferenııasyna qatysý úshin Lenıngradqa (qazirgi Sankt-Peterbýrg qalasy) attanady. Bul shara Bıbigúldiń ónerdegi jolyn ashady.
1954 jyly konservatorııany aıaqtaǵan soń, Abaı atyndaǵy Qazaq memlekettik akademııalyq opera jáne balet teatrynyń trýppasyna qabyldanyp, eki jyldan soń, Qurmanǵazy atyndaǵy ulttyq aspaptar orkestriniń ánshisi bolady. 1971 jylǵa deıin Bıbigúl Tólegenova orkestrmen birge Qazaqstan men Keńes odaǵynyń bar aımaǵyn gastroldik saparmen aralaıdy.
1958 jyly Búkilodaqtyq estrada ártisteriniń baıqaýynda laýreat atanyp, 1967 jyly 6 maýsymda «KSRO Halyq ártisi» ataǵyn ıelenedi.
1991 jyldyń 21 jeltoqsanynda KSRO Prezıdentiniń qaýlysymen Bıbigúl Tólegenovaǵa mýzyka óneriniń damýyna qosqan úlken úlesi úshin Lenın atyndaǵy ordeni jáne «Balǵa men oraq» medalimen qatar Soıalıstik Eńbek eri ataǵy berildi. «Eńbek Qyzyl tý» ordenimen (3.01.1959 j), Lenın atyndaǵy ordenmen eki márte marapattalǵan. KSRO Memlekettik syılyǵynyń laýreaty (1970), Kúlásh Baıseıitova atyndaǵy Qazaq KSRO Memlekettiń syılyǵynyń laýreaty (1966).
