Bügın – änşı, KSRO jäne Qazaqstan halyq ärtısı, Qazaqstannyŋ eŋbek sıŋırgen ärtısı, KSRO jäne Qazaqstan memlekettık syilyǧynyŋ laureaty, Sosialistık Eŋbek Erı Bibıgül Tölegenovanyŋ tuǧan künı, dep habarlaidy “Adyrna” ūlttyq portaly.
Bibıgül Tölegenova – 1929 jyly 16 jeltoqsanda Semei qalasynda düniege kelgen. Äkesı skripkada oinap, anasy än salǧan janūiada ärqaşan äuezdı äuen estılgen. Bıraq, 1937 jyly äkesı Ahmet qamauǧa alynyp, ız-tüzsız joǧalyp ketedı.
Keşkı mekteptıŋ 7-synybynda oqityn Bibıgül eŋbekke erte aralasyp, auruşaŋ anasyna qolǧabys bolyp, et kombinatynyŋ klubyna kinomehanik bolyp ornalasady. Änsüier qyzdyŋ basty maqsaty - jūmys barysynda önerge jaqyn bolyp, körkemönerpazdar üiırmesıne qatysu edı. Alaida, 1945 jyly üidegı qarjy mäselesınıŋ qiyndauyna bailanysty ol et kombinatynyŋ temır-qalbyrlyq sehyna auysady.
II Düniejüzılık soǧys jyldarynda Semeige, sondai-aq, Qazaqstannyŋ barlyq qalalaryna Astanadan ǧalymdar, ädebietşıler, muzykanttar köşırıldı. Körkemönerpazdar körsetılımderınıŋ bırınde Bibıgül Tölegenovany keŋes jazuşysy G. İ. Serebriakova baiqap, oǧan alǧaşqy muzyka sabaqtaryn berdı.
1951 jyly Almaty konservatoriiasynyŋ studentın Qazaq radiosy solist boluǧa jūmysqa şaqyrady. Al 1954 jyly ūstazy N.N. Samyşinomen bırge Bükılodaqtyq vokal konferensiiasyna qatysu üşın Leningradqa (qazırgı Sankt-Peterburg qalasy) attanady. Būl şara Bibıgüldıŋ önerdegı jolyn aşady.
1954 jyly konservatoriiany aiaqtaǧan soŋ, Abai atyndaǧy Qazaq memlekettık akademiialyq opera jäne balet teatrynyŋ truppasyna qabyldanyp, ekı jyldan soŋ, Qūrmanǧazy atyndaǧy ūlttyq aspaptar orkestrınıŋ änşısı bolady. 1971 jylǧa deiın Bibıgül Tölegenova orkestrmen bırge Qazaqstan men Keŋes odaǧynyŋ bar aimaǧyn gastroldık saparmen aralaidy.
1958 jyly Bükılodaqtyq estrada ärtısterınıŋ baiqauynda laureat atanyp, 1967 jyly 6 mausymda «KSRO Halyq ärtısı» ataǧyn ielenedı.
1991 jyldyŋ 21 jeltoqsanynda KSRO Prezidentınıŋ qaulysymen Bibıgül Tölegenovaǧa muzyka önerınıŋ damuyna qosqan ülken ülesı üşın Lenin atyndaǧy ordenı jäne «Balǧa men oraq» medalımen qatar Sosialistık Eŋbek erı ataǧy berıldı. «Eŋbek Qyzyl tu» ordenımen (3.01.1959 j), Lenin atyndaǧy ordenmen ekı märte marapattalǧan. KSRO Memlekettık syilyǧynyŋ laureaty (1970), Küläş Baiseiıtova atyndaǧy Qazaq KSRO Memlekettıŋ syilyǧynyŋ laureaty (1966).
Ūqsas jaŋalyqtar
