Qazaqstan Respýblıkasynyń Qarjy naryǵyn retteý jáne damytý agenttigi qazaqstandyq bankterdiń "MIR" júıesiniń tólem kartalaryn paıdalanýyna ruqsat berilgenin málimdedi, dep habarlaıdy “Adyrna” ulttyq portaly.
“2022 jylǵy 8 jeltoqsanda retteýshiler AQSh Qarjy mınıstrliginiń bólimshesi - sheteldik aktıvterdi baqylaý basqarmasynan (OFAC) hat aldy, onda amerıkandyq vedomstvo "MIR" júıesiniń bank kartalaryn jeke tulǵalardyń, atap aıtqanda Reseıden Qazaqstanǵa qonys aýdarǵan azamattardyń kúndelikti ómir súrýin qamtamasyz etetin operaııalar jasaý úshin paıdalanýyna qarsylyq bildirmeıtinin túsindirdi", - delingen qarjy retteýshisiniń resmı saıtynda jarııalanǵan habarlamada.
Atalǵan hatta "Mır" tólem júıesimen jasalatyn operaııalar Reseıge qarsy sankııalardy aınalyp ótý maqsatynda paıdalanylmaýy úshin erekshe baqylaýda qalatyny atap ótilgen.
"Osylaısha qazaqstandyq bankter "MIR" kartalary boıynsha tólemderdi, aýdarymdardy qabyldaýǵa, sondaı-aq jeke tulǵalar úshin bankomattar arqyly qolma-qol aqsha berýdi júzege asyrýǵa quqyly. Bul rette "MIR" júıesine qosylý týraly sheshimdi qazaqstandyq bankter ózderiniń damý strategııalary men táýekelderdi baǵalaýdyń ishki júıeleri negizinde derbes qabyldaıdy", - delingen habarlamada.
