Qazaqstan Respublikasynyŋ Qarjy naryǧyn retteu jäne damytu agenttıgı qazaqstandyq bankterdıŋ "MİR" jüiesınıŋ tölem kartalaryn paidalanuyna rūqsat berılgenın mälımdedı, dep habarlaidy “Adyrna” ūlttyq portaly.
“2022 jylǧy 8 jeltoqsanda retteuşıler AQŞ Qarjy ministrlıgınıŋ bölımşesı - şeteldık aktivterdı baqylau basqarmasynan (OFAC) hat aldy, onda amerikandyq vedomstvo "MİR" jüiesınıŋ bank kartalaryn jeke tūlǧalardyŋ, atap aitqanda Reseiden Qazaqstanǧa qonys audarǧan azamattardyŋ kündelıktı ömır süruın qamtamasyz etetın operasiialar jasau üşın paidalanuyna qarsylyq bıldırmeitının tüsındırdı", - delıngen qarjy retteuşısınıŋ resmi saitynda jariialanǧan habarlamada.
Atalǧan hatta "Mir" tölem jüiesımen jasalatyn operasiialar Reseige qarsy sanksiialardy ainalyp ötu maqsatynda paidalanylmauy üşın erekşe baqylauda qalatyny atap ötılgen.
"Osylaişa qazaqstandyq bankter "MİR" kartalary boiynşa tölemderdı, audarymdardy qabyldauǧa, sondai-aq jeke tūlǧalar üşın bankomattar arqyly qolma-qol aqşa berudı jüzege asyruǧa qūqyly. Būl rette "MİR" jüiesıne qosylu turaly şeşımdı qazaqstandyq bankter özderınıŋ damu strategiialary men täuekelderdı baǧalaudyŋ ışkı jüielerı negızınde derbes qabyldaidy", - delıngen habarlamada.
