Sport jáne týrızm mınıstri Ermek Marjyqpaev Qazaqstanǵa kelgen sheteldikter qandaı qıyndyqtarǵa tap bolatynyn aıtty, dep habarlaıdy «Adyrna» ulttyq portaly.
Úkimet otyrysynda Ermek Marjyqpaev Qazaqstanǵa kelgennen keıin shetel azamattary úshin vıza alý proesinde birneshe kedergi baryn aıtty.
«Birinshisi – shaqyrýdyń bolýy týraly talap, ony alýǵa birneshe apta ketedi jáne týrıst ádette qosymsha aqy tóleıdi. Ekinshisi – áýejaıda tólqujatqa vıza qoıý proesi taǵy birneshe saǵatty alady. Kóbinese reıster túnde keledi jáne bul týrıstik toptarǵa qolaısyzdyq týdyrady. Osyǵan baılanysty shaqyrýdy alýdy ıfrlandyrý máselesi pysyqtalýda», – dedi mınıstr jáne qazir E-visa arqyly elge tek halyqaralyq áýejaılar arqyly kirýge bolatynyn aıtty.
Ol sondaı-aq qurlyqtaǵy ótkizý pýnktterinde elektrondyq vıza boıynsha memlekettik shekaradan ótýge ruqsat berý jumystary júrgizilip jatqanyn jetkizdi.
Týrızm mınıstrliginiń málimetinshe, birinshi jartyjyldyqtyń qorytyndysy boıynsha 3 mıllıonnan astam otandyq azamat el ishinde saıahat jasady, bul ótken jyldyń sáıkes kezeńinen 400 myńǵa artyq.
Jyl sońyna deıin ishki týrıster sany 9 mln adamǵa jetedi dep boljanýda. Jyl qorytyndysy boıynsha kórsetkish 1,4 mln týrıstke jetpek. Týrısterdiń ósýi osy sala kásipkerleriniń tabysyn da arttyrdy. Birinshi jartyjyldyqtyń qorytyndysy boıynsha týrısterdi ornalastyrý oryndary shamamen 100 mlrd teńge tabys tapqan, ótken jylmen salystyrǵanda ósim 30 mlrd teńgeni qurady.
«Adyrna» ulttyq portaly
