Künı keşe akademik Äbılqas Saǧynov atyndaǧy Qaraǧandy tehnikalyq universitetınde 15 qaraşa – Batyrlar künıne orai jariialanǧan «Batyrlar mūrasy» onkündıgı aiasynda biylǧy jyly mereitoiy atalyp ötıp jatqan Aqjoltai Aǧybai batyrdyŋ 220 jyldyq mereitoiyna orai «Aǧybai batyr – el qorǧany» atty döŋgelek üstel öttı. Būl şarada Aǧybai batyrdyŋ ömırı men el qorǧaudaǧy eŋbegı söz boldy.
Aita ketu kerek, batyr öz zamanynda el qorǧauda ülken qajyr – qairatymen tanylyp, otarlyq ezgıge qarsy küresıp, üş jüzdıŋ basyn bırıktırgen qazaqtyŋ soŋǧy hany Kenesary Qasymūlynyŋ senımdı serıkterınıŋ bırı bolǧan. El arasynda ūrysta, joryq - jortuylda ünemı joly bolatyndyqtan «Aqjoltai batyr» atanǧan. Sonymen qatar ol esımı ūranǧa ainalǧan daryndy qolbasşy. Qazaq jerın otarlyq ezgıden qorǧaudy aldyna maqsat etken batyr Qarqaraly aimaǧynda patşalyqtyŋ otarşyldyq saiasatyna qarsy köterılıske belsene aralasyp, 1826-1846 jyldar aralyǧynda otarşyldardyŋ äskerıne bırneşe ret küirete soqqy berdı. Al Kenesary Qasymūly ömırden ötken soŋ qazaqtyŋ azattyǧy jolynda küresın toqtatpai, Syzdyq töre qolynyŋ qūramynda äskeri qimyldardy jürgızdı.
Jinalǧandarǧa batyrdyŋ osynau el aldyndaǧy eŋbegı jaily universitettıŋ tarih kafedrasynyŋ oqytuşysy N.Oşan, studentter B.Sahabai, Ş.Tūrǧyn, A.Ǧalym, J.Bauyrjan, M.Dükenbai, A.Tūrarbek, J.Janatbek, A.Äuelhan, D.Jeksenbai, Ä.Mūrat jäne şaraǧa arnaiy qatysqan qonaqtar Qaraǧandy Universitetınıŋ tarih fakultetınıŋ dekany J.Jūmabek, Aǧybai batyrdyŋ ūrpaǧy Qaraǧandy tehnikalyq universitetınıŋ professory, filologiia ǧylymdarynyŋ doktory B.S.İsmak aityp berdı.
«Batyrlar mūrasy» onkündıgı şarasy aiasynda josparlanǧan kelesı şara 24 qaraşa künı Qaraǧandy politehnikalyq kolledjınde ötedı. Būl joly ötetın ǧylymi – tanymdyq konferensiia qazaqtyŋ Batyrlar institutynyŋ körnektı ökılderı qazaqtyŋ soŋǧy hany Kenesary Qasymūlynyŋ 220 jyldyǧyna, Eset batyr Kökıūlynyŋ 355 jyldyǧyna, Aǧybai batyrdyŋ 220 jyldyǧyna, qazaqtyŋ batyr qyzy Mänşük Mämettıŋ tuǧanyna 100 jyl toluyna orailastyrylyp otyr. Aita ketu kerek Ūlt qūndylyqtaryn saqtau men nasihattauǧa baǧyttalǧan Qazaq küntızbesı şeŋberınde qolǧa alynǧan onkündıktı ūiymdastyruǧa mūryndyq bolǧan qalamyzdaǧy «Qazaq club» müşelerı ötken jyly 15 qaraşa - Batyrlar künıne orai qazaqtyŋ äskeri mūrasyn nasihattaityn «Jauyngerlık Daŋq lentasynyŋ tūsaukeserın ötkızgen bolatyn.
Ūqsas jaŋalyqtar
