QR Densaýlyq saqtaý mınıstri Eljan Birtanov koronavırýs indeti boıynsha Qazaqstandaǵy ahýal týraly aıtty, dep habarlaıdy QazAqparat.
«Ótken táýlikte 140 jańa naýqas tirkeldi. Ósim deńgeıi 14,7 paıyzdy qurady. Onyń ishinde eń úlken san Almaty qalasynda - 106, ósim deńgeıi - 64 paıyz, Qaraǵandy oblysynda - 12, ósim deńgeıi - 18 paıyz, Nur-Sultan qalasynda - 9, ósim deńgeıi - 3,6 paıyz boldy», - dedi mınıstr.
Jalpy Eljan Birtanovtyń dereginshe, elimizde koronavırýstan 14 adam qaza boldy. Onyń ishinde ótken táýlikte 2 naýqas ómirden ozdy.
«Jazylyp shyqqan naýqastardyń jalpy sany - 138 adam. Qazirgi tańda 939 naýqas staıonarlyq em alyp jatyr. Olardyń ishinde 57 bala bar. Jaǵdaıy turaqty naýqastardyń sany 82 paıyz nemese 770 naýqastyń jaǵdaıy jeńil. Ortasha deńgeıde 151 naýqas nemese 16 paıyz, aýyr deńgeıde 18 naýqas nemese 2 paıyz. Jasandy jeldetý apparatynda 8 naýqas jatyr. Jalpy reanımaııadan 16 adam emdelip shyqty. Sońǵy táýlikte úsh adam reanımıııadan jalpy palataǵa aýystyryldy», - dedi ol.
