«Täuelsızdık belgısınde» Qazaqstan tarihynda ız qaldyrǧan jetı körnektı tarihi tūlǧa men segız maŋyzdy tarihi data qamtylǧan.
Belgınıŋ ortalyq elementı - eldıŋ aumaqtyq tūtastyǧy men bırlıgın beineleitın Qazaqstan Respublikasynyŋ kartasy jäne "QAZAQSTAN" jazuy. Şeŋberde belgılı bır tärtıppen tarihi tūlǧalar, datalar, simvoldar beinelengen:
1. Altyn adam (b.z. d. 5-4 ǧasyr) — saq däuırın jäne olardyŋ Qazaqstan mädenietı men tarihyna äserın beineleidı.
2. Ūly Möde qaǧan (b.z. d. 209 jyl) — Ūly ǧūn derjavasynyŋ negızın qalauşy.
3. 552 jyl-Türkı qaǧanatynyŋ qūrylǧan jyly, onyŋ simvoly Börılı bairaq.
4. 1465 jyl — Qazaq handyǧy qūrylǧan jyl jäne Kerei men Jänıbek handar beinelengen.
5.Üş jüzdı bırıktırgen Abylai han sailanǧan 1771 jyl men onyŋ beinesı.
6. Qazaq Täuelsızdıgı üşın küresken Kenesary Qasymūly han sailanǧan 1841 jyl.
7. 1917 jyl — Alaş Orda ükımetınıŋ qūryluy jäne onyŋ jetekşısı Älihan Bökeihan beinelengen.
8. 1991 jyl — Qazaqstan Täuelsızdıgın jariialaǧan jyl, tarihi prosestıŋ şaryqtau şegı.
Belgı altyn tüste jasalǧan jäne atalǧan oqiǧalardyŋ tereŋ mänın bıldıredı. Sonymen qatar belgı maŋyzdy qoldanbaly mänge ie. "Täuelsızdık belgısı" jastarǧa Täuelsızdıktıŋ qalyptasuyna alyp kelgen negızgı oqiǧalardy tez jäne qarapaiym tüsındıruge mümkındık beredı. "Täuelsızdık belgısı" Respublikalyq Qazaq club-tyŋ Ūlt qūndylyqtaryn saqtau ortalyǧynyŋ bastamasymen äzırlendı.
