Kezdesý aıasynda Memleket basshysynyń Qazaqstan halqyna Joldaýy, sondaı-aq elimizde atom elektr stanııasyn salý jónindegi referendým boıynsha aqparat berildi.
6 qazanda ótetin AES qurylysy boıynsha referendým Táýelsiz Qazaqstannyń bolashaǵy úshin strategııalyq mańyzǵa ıe. Álemniń ozyq elderiniń tájirıbesi atom energetıkasynyń tıimdiligi men qaýipsizdigin aıqyn dáleldeıdi. Qazirgi ýaqytta Qazaqstan elektr energııasynyń tapshylyǵyn sezinýde jáne ony kórshi elderden ımporttaýǵa májbúr.
Kezdesý barysynda Ahmetova Ásel Maratqyzy AES qurylysynyń merzimderi jáne AES qurylysyna jetekshilik etetin mekemeler jaıly suraq qoıdy. Qaraǵandy Halyqtyq shtabynyń músheleri kelissózder, kelisimsharttar jáne satyp alý proesteri barynsha ashyq bolatynyn túsindirip, másele boıynsha túsinikteme berdi. AES jobalaý jáne salý kezinde tehnıkalyq qadaǵalaýdy táýelsiz retteýshi júzege asyrady, qurylys MAGATE baqylaýymen júrgiziledi. Atom elektr stanııasynyń qurylysy mıllıardtaǵan dollarlyq jáne uzaq merzimdi bıznes ekenin eskerý qajet, sondyqtan naryqqa qatysýshylardyń bedeli óte qundy.
