Qaraǧandyda jolauşy avtobustan qūlap kettı, dep habarlaidy "Adyrna" ūlttyq portaly.
Oqiǧanyŋ beinesı äleumettık jelıde taraǧan. Kadrlardan jolauşynyŋ jürıp bara jatqan №43 baǧyttaǧy avtobustan qūlaǧany anyq körınedı.
Beinejazbada er adamnyŋ avtobusqa mınıp, salon ışıne ötpei, esık maŋynda tūrǧany baiqalady. Jürıp bara jatqan kölıkte esıkter tolyq jabylmai, qaita aşylǧan. Aldyn ala boljam boiynşa, jolauşynyŋ arqasyndaǧy sömkesı esıkterdıŋ jabyluyna kedergı keltırgen. Soǧan qaramastan avtobus qozǧalysty bastap, jolauşy jolǧa qūlap tüsken. Keiın kölık toqtap, basqa jolauşylar kömek körsetu üşın syrtqa şyqqan.
Qaraǧandy qalasy äkımdıgı oqiǧanyŋ bolǧanyn rastaǧan. Zardap şekken azamatqa medisinalyq kömek körsetılıp, qazırgı uaqytta auruhanada jatyr. Därıgerler onyŋ jaǧdaiyn tūraqty dep baǧalap otyr.
Qala äkımdıgınıŋ mälımetınşe, jürgızuşı esıkterdıŋ tolyq jabylǧanyna köz jetkızbei, qozǧalysty bastaǧan. Qazırgı taŋda avtobustaǧy beinebaqylau kameralarynyŋ jazbalary alynyp, oqiǧanyŋ barlyq män-jaiy anyqtaluda.
