Qaraǧandylyqtar «Taza Qazaqstan» baǧdarlamasy aiasynda ötken respublikalyq aǧaş egu senbılıgın belsendı türde qoldady.
Memleket basşysy Qasym-Jomart Toqaev auqymdy ekologiialyq aksiiaǧa bastamaşy bolyp, qatysuşylarǧa ündeu joldady.
Būl künı Qaraǧandyda Qazaqstan täuelsızdıgınıŋ 10 jyldyǧy atyndaǧy etnopark kögaldandyrudyŋ negızgı alaŋyna ainaldy.
Mūnda bes myŋǧa juyq adam — qoǧam belsendılerı, jastar, erıktıler jäne qorşaǧan ortaǧa beijai qaramaityn tūrǧyndar jinaldy.
Olar qaraǧai, qaiyŋ jäne terektıŋ bır jarym myŋ tüp köşetın otyrǧyzdy.
Oblys äkımı Ermaǧanbet Bölekpaev qatysuşylarǧa tuǧan jerge degen janaşyrlyǧy men jaily, jasyl qalalyq orta qalyptastyruǧa qosqan ülesı üşın alǧys bıldırdı.
– El Prezidentınıŋ bastamasymen ekı jyl būryn «Taza Qazaqstan» ūlttyq jobasy ıske qosyldy. Oblys tūrǧyndary oǧan belsendı qatysuda: aǧaş egedı, qoqys jinaidy, aulalaryn retke keltıredı. Biznes ökılderı de şet qalǧan joq — käsıporyn ūjymdary būl bastamany qoldady. Aldaǧy uaqytta da barlyǧymyz bırlesıp jūmysty jalǧastyramyz. Jalpy, biyl oblys boiynşa şamamen 60 myŋ aǧaş egu josparlanyp otyr. Ärbır köşetke dūrys kütım qajet, būl rette mamandardyŋ ūsynymdary asa maŋyzdy, – dedı Ermaǧanbet Bölekpaev.
Ekologiialyq mädeniettı qalyptastyruda jastarǧa ülken röl jükteledı.
Būl turaly öz ündeuınde Prezident Qasym-Jomart Toqaev taǧy bır märte atap öttı.
Qaraǧandy oblysy boiynşa «Jasyl El» respublikalyq ştabynyŋ jetekşısı Sūltan Şaimaǧanbet ärbır ekologiialyq aksiiaǧa qatysu ız-tüzsız ötpeitınıne senımdı.
– Bügın mūnda jastar köp jinaldy. «Taza Qazaqstan» — öte maŋyzdy ideologiialyq bastama. Aǧaş ekken jastar onyŋ ärı qaraiǧy kütımı, ösuın qadaǧalau jönınde oilanady. Būl olardy ösımdıkter turaly köbırek bıluge, olardy dūrys otyrǧyzyp, ösıru joldaryn meŋgeruge yntalandyrady, – dedı jasyl qozǧalys köşbasşysy.
Etnoparkte sondai-aq Qarqaraly ūlttyq parkınen äkelıngen 200 tüp yrǧai köşetı egıldı.
Osy bastama arqyly qyzmetkerler «Taza Qazaqstan» halyqaralyq «Saiabaqtar marşy» ekologiialyq aksiiasymen ündesıp jatqanyn körsettı.
