Tanymal jurnalist, ūlttyq radiomyzdyŋ maitalmany Janar Orazymbet özınıŋ feisbuk paraqşasynda qūndaqtaǧy bala tärbiesıne qatysy keŋes aityp, onyŋ boiyna ūlttyq qūndylyqtardy sıŋıru erekşelıkterımen bölıstı. Būl jaily "Adyrna" ūlttyq portaly jazdy.
"Qazaq", "Şalqar" radiosynda ūlttyq ruhaniiatymyz, tarihymyz ben tılımız jaiynda bırqatar habarlardy tızgındep kele jatqan jurnalist Janar Orazymbet bala tılınıŋ qazaqşa şyǧuy men ūlttyq qūndylyqtar jetegınde tälım-tärbie aluyna bailanysty qyzyqty oqiǧasymen bölıstı.
- Menıŋ nemeremnıŋ qūlaǧyna qazaqşa än men küidı sıŋıre bersem degen nietım azdap bolsa da jüzege asa bastaǧan siiaqty. Tua salǧannan "Bala-bala baladan, tauyp alǧan daladannan" bastap bırtalai halyq änderın aityp, äldiledım. Nemerem emhanada jatqan ǧoi. Video arqyly habarlassam, "Qoşaqanym, qadasyŋ?" dep sairap tūr. Orysşa, aǧylşynşa multik köretın balalar qazaqşa än aitpaidy dep kım aitty, al?! Qūlaǧyna qūia berseŋ, aitady eken. Kördıŋızder me, tıptı, tılı älı anyq şyqpaǧan Alan än aita bastady ǧoi. Būl ǧana emes, onyŋ repertuarynda taǧy bırneşe änı bar, - dep jazdy avtor.Janar Orazymbettıŋ paiymdauynşa, ūlttyq radiomyzdaǧy habarlardy tyŋdap ösken bala da ūltyn şeksız süier azamat bolyp jetıledı. Būǧan qatysty:
- Qysqasy, Şalqardy tyŋdap jürseŋızderşı....Lajy bolmasa, kölıkte qosyp qoiyŋyz. Eŋ bolmasa, qūlaǧynda qalady ǧoi. Qazaqtyŋ sözı, ünı, äuenı, - dedı radiojurnalist."Adyrna" ūlttyq portaly
Ūqsas jaŋalyqtar
