Zaŋger ärı qazaqtyŋ aiauly aqyn qyzy Alma Tüsıpbekova qazaq tılıne degen memlekettık bilıktıŋ qarym-qatynasyn aşyp jazyp, aqiqatyn aitty. Onyŋ aituynşa, ana tılın bılmeu eşkımdı taǧynan taidyra qoimaidy, tıptı, üirenuge joǧarydaǧyŋ qūlqy da joq, dep habarlaidy "Adyrna" ūlttyq portaly.
Öleŋdı ömırıne serık etken qazaqtyŋ öjet qyzy, zaŋger Alma Tüsıpbekova qoǧamdaǧy qazaq tılınıŋ qoldanysyna qatysty şyndyqty aşyp aitty:
- Bır auyz qazaq tılın bılmeitın şeneuıkter ülken lauazymda otyr. Otyz jylda bırneşe tıl üirenuge bolady. Bıraq olarda qūlyq joq. Sebebı tıl bılmeu - lauazym taǧyna kedergı keltırmeidı. Būl degenımız - memlekettık bilıkte qazaq tılge degen sūranys joq. Būdan şyǧatyn qorytyndy tıl bılmeu bilıktıŋ üş tarmaǧyna da sūranys tudyrmaidy.
Alaida olar özı qazaq tılın bılmese öz qyzmetkerlerınen qalai talap etedı? Ekınşıden, Parlament älı künge deiın zaŋnamany orys tılınde qabyldaidy. Älı künge deiın qazaq tılınde audarylǧan zaŋ normalarynda qatelıkter men kemşılıkter jetıp artylady...Mäselen zaŋ tılındegı terminnıŋ bır atauy kez-kelgen normativtık-qūqyqtyq aktılerde ärtürlı qoldanylady. Älı künge deiın zaŋnamada bırızdılık joq...Ainalyp kelgende bız öz jerımızde, öz elımızde otyryp osyndai sorly küige jettık. Älı künge deiın bızde jaltaqtyq basym...
Üşınşıden, memlekettık qyzmette älı künge deiın audarma tıl degen bar. Osy audarma bükıl jüienıŋ tüp-tamyryn şırıtıp otyr... Bar mäselenıŋ tüiını osynda jatyr...Sondyqtan audarma tılın qūrdymǧa jıberu qajet.
Nesın jasyramyz memlekettegı eŋ bırınşı adam - Toqaevtyŋ özı ana tılınde dūrys söilei almaidy ǧoi. Prezident eŋ bırınşı halyqqa özı ülgı tūlǧa boluy kerek!Al bızde bärı kerısınşe... - dedı zaŋger.
Būǧan qatysty:
"Memlekettık qyzmette memlekettık tıldı bıluge degen qajettılık joq. Solai bolmaǧan soŋ eşteŋe özgermei otyr. Memlekettık qyzmetke memlekettık tıldı mültıksız bıletın jäne sauatty jaza alatyn adam ǧana qabyldanuy kerek. Osyndai talap bolmai otyr..." dep pıkır bıldırdı oqyrmandar.
"Adyrna" ūlttyq portaly
Ūqsas jaŋalyqtar
