19 qarasha Egıpettegi «El-Dabaa» AES alańynda № 2 energobloktyń irgetasyna «alǵashqy betondy» quıý rásimi ótti. Ekinshi energoblogtaǵy qurylys negizgi kezeńge ótti, dep jazady "Adyrna" ulttyq portaly.
Saltanatty rásimge Egıpettiń Elektr jáne jańartylatyn energetıka mınıstri Muhammed Shaker, Egıpettiń Atom elektr stanııalary Basqarmasynyń (NPPA) tóraǵasy Amged El-Vakıl, «Rosatom» memlekettik korporaııasynyń bas dırektory Alekseı Lıhachev, AES qurylysynyń jobalaryn basqarý jónindegi ASE AQ aǵa vıe-prezıdenti Aleksandr Korchagın, sondaı-aq «Rosatom» memlekettik korporaııasy men NPPA ınjınırıngtik dıvızıonynyń jobalaý komandalary qatysty.
Buǵan deıin, 2022 jyldyń 31 qazanynda Egıpettiń Iadrolyq jáne radıologııalyq retteý basqarmasy «El-Dabaa» atom elektr stanııasynyń ekinshi energoblogyn salýǵa ruqsat bergen bolatyn, bul beton quıý jumystaryn bastaýǵa múmkindik berdi.
«Egıpet pen Reseı komandasy joǵary kásibılik kórsetip, merziminen buryn jumystardy atqaryp jatyr. Ekinshi energobloktyń irgetasyna alǵashqy betondy quıý sııaqty mańyzdy tehnologııalyq oqıǵa Egıpet prezıdenti Abdelfattah Sısıdiń týǵan kúnimen sáıkes kelip otyr, ol osy jáne búgingi kúnge deıin Egıpette júzege asyrylyp jatqan kóptegen basqa megajobalardyń ıdeıalyq kóshbasshysy bolyp tabylady. Atom elektr stanııasy eldegi ómir súrý deńgeıin sapaly jaqsartýǵa úlken úles qosatynyna jáne Egıpetke aımaqtyń tehnologııalyq kóshbasshylary arasynda laıyqty oryn alýǵa múmkindik beretinine senimdimin», - dedi Muhammed Shaker.
Alekseı Lıhachev bul oqıǵanyń mańyzdylyǵyn atap ótip: «El-Dabaa» atom elektr stanııasynyń ekinshi energoblogyn salýdyń bastalýy jobanyń qarqyn alyp jatqanyn kórsetedi. Rosatom shetelde belsendi jumys jasaýdy jalǵastyrýda: biz 11 elde 34 energııa blogyn salyp jatyrmyz. Biraq Egıpettegi joba biz úshin erekshe mańyzǵa ıe, óıtkeni «El-Dabaa» Afrıka kontınentindegi reseılik tehnologııa boıynsha salynǵan alǵashqy atom stanııasy bolady. Bul Asýan bógeti salynǵannan bergi Reseı-Egıpet yntymaqtastyǵynyń eń iri jobasy. Atom elektr stanııasyn iske qosý Egıpettiń áleýmettik-ekonomıkalyq jáne tehnologııalyq ómirinde mańyzdy ról atqarady jáne eldiń ónerkásibi men ekonomıkasynyń tómen kómirtekti kózderge birtindep kóshýine serpin beredi. Bul Egıpettiń ondaǵan jyldar boıy senimdi jáne turaqty damýy úshin berik negiz quraıdy. Bizdiń Egıpettegi áriptesterimiz ben seriktesterimizdi búgingi mańyzdy oqıǵamen quttyqtaımyn!»,- dedi.
Anyqtama: «El-Dabaa» AES – Egıpettegi Jerorta teńiziniń jaǵasyndaǵy Matrýh provınııasynyń El-Dabaa qalasynda, Kaırden soltústik-batysqa qaraı 300 km jerde salynatyn alǵashqy atom elektr stanııasy. Atom elektr stanııasy qýaty 1200 MVt bolatyn 4 energııa blogynan turady, árqaısysynyń III+býynynyń VVER-1200 (vodo-vodıanoı energetıcheskıı reaktor) tıpti reaktorlary bar.
Bul qazirdiń ózinde sátti jumys istep turǵan jańa býyn tehnologııasy. Reseıde osy býyn reaktorlarymen tórt blok jumys isteıdi: árqaısysy eki reaktordan – Novovoronej jáne Lenıngrad atom elektr stanııalarynyń alańynda. Reseıden tys jerde 2020 jyldyń qarasha aıynda Belarýs atom elektr stanııasynda VVER-1200 reaktorymen bir energoblok jelige qosyldy.
AES qurylysy 2017 jylǵy 11 jeltoqsanda kúshine engen kelisimsharttar paketine sáıkes júzege asyrylady. Kelisimsharttyq mindettemelerge sáıkes, reseılik tarap stanııany salyp qana qoımaı, sonymen birge atom elektr stanııasynyń búkil ómirlik ıkline reseılik ıadrolyq otyndy jetkizýdi júzege asyrady, sonymen qatar mysyrlyq seriktesterge personaldy oqytýǵa jáne alǵashqy 10 jylda stanııany paıdalaný men qyzmet kórsetýge qoldaý kórsetedi. Taǵy bir kelisim aıasynda Reseı tarapy arnaıy qoıma salyp, paıdalanylǵan ıadrolyq otyndy saqtaýǵa arnalǵan konteınerler qoıady.
«Rosatom» memlekettik korporaııasynyń ınjınırıngtik dıvızıony atom salasynyń jetekshi kompanııalaryn biriktiredi: «Atomstroıeksport» AQ (Máskeý, Nıjnıı Novgorod, Reseıdegi jáne sheteldegi fılıaldar), «Atomenergoproekt» AQ – Birikken jobalaý ınstıtýty (Máskeý, Nıjnıı Novgorod, Sankt-Peterbýrg fılıaldary – jobalaý ınstıtýttary, Reseıdegi jáne sheteldegi fılıaldar, izdestirý fılıaldary) jáne enshiles qurylys uıymdary.
Injınırıngtik dıvızıon Reseıde jáne basqa elderde joǵary qýatty AES salý boıynsha jobalardy iske asyrady, jobany basqarý men jobalaýdy qosa alǵanda, qurylys qyzmetteriniń tolyq spektrin kórsetedi jáne kúrdeli ınjenerlik obektilerdi basqarý úshin Multi-d tehnologııalaryn damytady.
"Adyrna" ulttyq portaly
