Oral qalasynyŋ eks-äkımı, mäjılıstıŋ būrynǧy deputaty Sämiǧolla Orazovtyŋ Reseide tūratyn ūlyn byltyr qyrküiekte mobilizasiiamen alyp ketken. Ol qazır ūlynyŋ Ukrainada jürgenın rastady, dep habarlaidy “Adyrna” ūlttyq portaly Azattyq radiosyna sılteme jasap.
Būǧan deiın äleumettık jelıde 45 jastaǧy Bauyrjan Orazov Ukrainada reseilıkter jaǧynda "soǧysyp jürgen boluy mümkın" ekenı jönınde habar taraǧan.
Orazovtyŋ aituynşa, ūly būryn Qazaqstannyŋ batysyndaǧy Oral qalasynda milisiiada jūmys ıstegen. Keiın Reseige ketıp, sol jaqta üilenıp, otbasyn qūrǧan. Resei azamattyǧyn alǧan.
"Mobilizasiia bastalǧan kezde "mūnda kel, qait" dedım. "Oi, papa, menı kım alady? 45-temın. Auyratynym da bar" dedı. Sosyn ony şaqyryp alyp, äskeri komissariatqa qamaǧan. "Myna jerım auyrady" (degenıne eşkım qaramaǧan). Eşqandai komissiia joq. "Anda barǧasyn jazylasyŋ" dep aidap jıberıptı. Qazır Zaporoje AES-ınıŋ maŋynda Energodar degen qala bar, sonda jür. Ol jaqta soǧys jürıp jatqan joq", - deidı eks-deputat.
Oral qalasynyŋ būrynǧy äkımı Sämiǧolla Orazov Resei basqynşylyǧy turaly sūraqqa "özımnıŋ közqarasym, pozisiiam bar, bıraq balama ziian kele me dep qorqamyn" dep aşyǧyn aitqan.
