Ankarada ótip jatqan Qara teńiz ekonomıkalyq yntymaqtastyǵy Parlamenttik Assambleıasynyń sammıtinde Reseı men Ýkraına delegattary arasynda tóbeles boldy. Qaqtyǵystyń beınejazbasyn «Rossııa 1» telearnasynyń telejúrgizýshisi Olga Skabeeva jarııalady, dep habarlaıdy «Adyrna» tilshisi.
Oqıǵa Memlekettik Dýmanyń depýtaty Olga Tımofeevanyń sóz sóıleýi kezinde bolǵan. Onyń artyna ýkraın delegaııasynyń ókili kelip, óz eliniń týyn iledi. Muny kórgen reseılik sheneýnik oǵan jaqyndap, týdy julyp alyp, ózimen birge alyp ketýge tyrysady. Jalaýdy qaıtarǵysy kelgen Ýkraına delegaty ony ura bastaıdy. Osylaısha kezdesý aıaǵy tóbelespen aıaqtaldy.
«Qazir ókilimiz aýrýhanada qajetti tekserýden ótip jatyr. Ol konsýldyq kómek aldy. Túrik bıliginiń nazary osy iske aýdarylýy tıis. Qylmyskerler jazalanady dep senemiz», - dedi Reseıdiń Túrkııadaǵy elshiligi.
Beınejazbany kórý úshin siltemeni basyńyz.
