Resei Memlekettık dumasy 8 qazanda AQŞ-pen plutoniidı joiu turaly kelısımdı denonsasiialau (iaǧni, küşın joiu) turaly zaŋ jobasyn qabyldady, dep habarlaidy "Adyrna" ūlttyq portaly.
Şeteldık BAQ mälımetınşe, būl kelısım ekı eldıŋ artyq 34 tonna äskeri plutoniiın beibıt maqsatta öŋdeuge arnaldy.
Kelısım alǧaş 1990-jyldardyŋ soŋynda jasalyp, 2011 jyly resmi türde bekıtılgen bolatyn. Alaida 2016 jyly Resei kelısımdı oryndaudy öz betınşe toqtatqan. Endı Duma būl şeşımdı zaŋdy türde bekıttı.
Memlekettık dumanyŋ töraǧasy Viacheslav Volodin būl qadamdy «Resei men onyŋ azamattarynyŋ müddesın qorǧau» dep atady. Al syrtqy ıster ministrınıŋ orynbasary Sergei Riabkov qazırgı jaǧdaida būl kelısımdı saqtau «mümkın emes» ekenın aitty.
Resei tarapy mūndai şeşımge AQŞ-tyŋ sanksiialary, NATO-nyŋ şyǧysqa qarai keŋeiuı jäne Vaşingtonnyŋ Ukrainaǧa qoldauy sebep bolǧanyn mälımdedı.
Sarapşylardyŋ aituynşa, kelısımnıŋ būzyluy halyqaralyq qauıpsızdıkke äser etuı mümkın.
Aita keteiık, plutonii - iadrolyq qaru jasauǧa qoldanylatyn maŋyzdy material.
Halyqaralyq qauymdastyq būl şeşımge qatysty pıkırlerın bıldıre bastaǧanymen, mäsele endı diplomatiialyq deŋgeide talqylanbaq.
