Prezıdenttikke kandıdat Qasym-Jomart Toqaevtyń Respýblıkalyq qoǵamdyq shtabynyń músheleri Shymkent qalasynyń jurtshylyǵymen, jas ǵalymdarmen jáne kásiporyndardyń eńbek ujymdarymen birqatar kezdesý ótkizdi.
Aqsaqaldarmen, zııaly qaýym ókilderimen jáne belgili qoǵam qaıratkerlerimen kezdesýde kandıdattyń «Ádiletti Qazaqstan: bárimiz jáne árqaısymyz úshin. Qazir jáne árdaıym» saılaýaldy baǵdarlamasynyń negizgi baǵyttary talqylandy.
Respýblıkalyq qoǵamdyq shtabtyń basshysy Erlan Qoshanov atap ótkendeı, baǵdarlamada bilim berý salasyn damytýǵa aıryqsha kóńil bólinip otyr.
«Ádiletti Qazaqstandy qurýdyń negizinde aǵartýshylyq qundylyqtar jatyr. Elimizde barlyq balalar turǵylyqty jeri men oqý tiline qaramastan, irgeli bilimge jáne jaıly bilim berý ınfraqurylymyna teńdeı qol jetkize alady. Aldaǵy 7 jylda oqýǵa qolaıly jaǵdaıy bar 1,5 mıllıon oqýshy orny ashylady. Jyl saıyn shaǵyn qala, aýdan ortalyǵy men aýyldarda keminde myńnan astam mektep zaman talabyna saı jańartylatyn bolady», - dedi Erlan Qoshanov.
Sonymen qatar, robototehnıka, hımııa, bıologııa jáne fızıka pánderine arnalǵan keminde 7000 zamanaýı kabınet ashylady. Balalarǵa arnalǵan 50 saýyqtyrý lageri ashylady, olardyń shyǵarmashylyq jáne zııatkerlik áleýetin damytý úshin oqýshylar saraıy, jas tehnık beketteri, balalar tehnoparki, mýzyka jáne óner mektepteri syndy keminde 100 jańa iri nysan salynady.
Jas ǵalymdar men ónertapqyshtarmen áńgime barysynda Toqaevtyń jaqtastary ǵylymdy qoldaý máselesin qozǵady. Máselen, saılaýaldy baǵdarlamada qoldanbaly ǵylymdy qarjylandyrýdy kezeń-kezeńimen ulǵaıtý kózdelgen. Granttar bólý arqyly ǵylymı jáne ǵylymı-tehnıkalyq qyzmet nátıjelerin kommerııalandyrý úshin jaǵdaı jasalady. Sondaı-aq jetekshi joǵary oqý oryndary men iri kásiporyndardyń janynan mamandandyrylǵan ınjınırıngtik ortalyqtar qurylady.
Budan soń shtab músheleri «Ońtústik» arnaıy ekonomıkalyq aımaǵy kásiporyndarynyń qyzmetkerlerimen kezdesti. Júzdesýde Qasym-Jomart Toqaevtyń saılaýaldy baǵdarlamasynda kórsetilgen shaǵyn jáne orta bıznesti qoldaý jáne qyzmetkerlerdiń eńbek quqyqtaryn qorǵaý máseleleri týraly aıtyldy.
Jalpy, shaǵyn jáne orta bızneste jumyspen qamtylǵandar sanynyń 4,7 mıllıonǵa deıin ósýin qamtamasyz etý josparlanýda. Kásipkerlerdiń óz qyzmetkerleriniń jalaqysyn kóterýi jáne olardyń eńbek jaǵdaılaryn jaqsartýy bıznesti memlekettik qoldaý sharttarynyń biri bolady.
Daıyndaǵan: Respýblıkalyq qoǵamdyq shtab Astana qalasy, Qonaev 12/1.
Tapsyrys berýshi: M.J. Ospanov. Qazaqstan Respýblıkasy Prezıdenttigine úmitker Q.K.Toqaevtyń saılaý qorynan tólendi.
