Qazaqstanda AES salý máselesin talqylaý maqsatynda Shymkentte jarııa talqylaýlar boldy, dep habarlaıdy "Adyrna" tilshisi.
18 sáýir kúni ótken jıyn aqsaqaldar Keńesiniń bastamasymen ótti
Jarııa talqylaýǵa óńir turǵyndary, jergilikti Qoǵamdyq keńestiń, QR Energetıka mınıstrliginiń Qoǵamdyq Keńesiniń, Ardagerler keńesiniń músheleri, QR Energetıka mınıstrliginiń ókilderi, «QR Ulttyq ıadrolyq ortalyǵy» RMK, «Qazaqstandyq atom elektr stanııalary» JShS, «Iadrolyq fızıka ınstıtýty» RMK, BAQ, jergilikti belsendiler, jergilikti ekologtar qatysty.
QR Energetıka mınıstrligi, «QR Ulttyq ıadrolyq ortalyǵy» RMK, «Qazaqstandyq atom elektr stanııalary» JShS, «Iadrolyq fızıka ınstıtýty» RMK ókilderi sóz sóılep, qazirgi ýaqytta Qazaqstanda elektr energııasyn tutyný dınamıkasy qarqyndy ósip kele jatqanyn atap ótti.
Spıkerlerdiń sózinshe, elektr energııasyn tutynýdyń belsendi ósýin eskere otyryp, eldiń qajettiligin turaqty qamtamasyz etý maqsatynda qazirgi zamanǵy AES salý múmkindigin qarastyrý qajettigi bar.
Spıkerlerdiń baıandamasynan keıin jergilikti turǵyndar ekologııa, ekonomıkalyq faktorlar, ınfraqurylymdy damytý, AES-tiń shaǵyn jáne orta bıznesti damytýǵa áseri, reaktordyń qaýipsizdigi, kadrlar daıarlaý syndy túrli máseleler boıynsha suraqtar joldady.
Jıyn sońynda jergilikti turǵyndar Qazaqstanda AES salý máselesin qoldaǵany aıtyldy.
