BERDALY OSPAN: Eger men Prezıdent bolsam № 1

1846
Foto: time.kz
Foto: time.kz

Adam dúnıege kelgende Ata-Anasy oǵan eń aldymen esim beredi. Esim adamǵa usynylǵan búkil ómirlik baǵyt. 

Qazaq Eliniń tolyqqandy Egemen El bola almaı jatqanynyń eń basty sebebi búgingi qazaqtardyń óz famılııalaryn basqa eldiń basyp-janshyp kúshtep engizgen túrinde jazýynda. Sebebi aty ózgergenniń ómiri de ózgeredi.

Basqynshy eldiń basshylyǵy osyny bilip jasaǵan. Basqynshy el nege bulaı jasady? Qazaq ekenińdi umyttyrý úshin. KSRO tarqamaǵanda Qazaq Eli joq bolýǵa daıar edi.
Osylaı jasaǵan Patshalyq Reseıdiń basqynshylyq saıasaty áli kúshin joıǵan joq.

30 jyl boldy famılııasyn shet elshe jazyp júrgender buny túsinbeı kele jatyr.
30 jyl ótti, ózgeris joq.

MEN PREZIDENT BOLSAM

Búgin Qazaq Elindegi memlekettik qyzmettegi basshylardyń bárine famılııasyndaǵy OV, OVA, EV, EVA degen sheteldik jalǵaýlaryn ózgertýge, naqty ýaqytty belgilep jarlyq berer edim. Jáne olarǵa óz januıa músheleriniń de famılııasyn Qazaqsha jazdyrýǵa mindetter edim.

Qazaq Elindegi famılııasyn oryssha úlgimen jazyp júrgen Elge belgili ǵalym, óner ıelerin de famılııasyn Qazaq úlgisinde jazýǵa mindetter edim.

Eger meniń bul buıryǵymdy oryndaýdan bas tartqan laýazym ıeleri tabylyp jatsa, birden qyzmetinen bosatar edim. Al ǵalymdar men óner ıeleri arasynan sondaılar shyǵyp jatsa búkil memlekettik marapattarynan Elge teledıdar, gazetter arqyly jarııa túrde aıyrar edim.

Halyqqa qyzmet kórsetý oryndarynda ulty qazaq ár azamatqa memleket esebinen Qazaq úlgisindegi tólqujatty jasaýǵa buıryq berer edim

Sonda Qazaq Eli úlken ózgeriske jol bastar edi.

Qazaqtar,
Meniń bul pikirimen kelisesiz be?


Berdaly Ospan 

 

Pikirler
Uqsas jańalyqtar