Germanııanyń burynǵy prezıdenti Horst Keler 81 jasynda qaıtys boldy, dep habarlaıdy "Adyrna" ulttyq portaly DW basylymyna silteme jasap.
Berlındegi federaldyq prezıdent keńsesiniń habarlaýynsha, Keler 31 qańtar kúni tańerteń aýyr ári qysqa naýqastan keıin ómirden ótken.
Horst Keler 2004 jyly Germanııa prezıdenti bolyp saılanyp, bul qyzmetti 2010 jylǵa deıin atqardy. Alaıda sol jyly kútpegen jerden otstavkaǵa ketti. 2010 jylǵy 31 mamyrdaǵy málimdemesinde Keler oppozıııalyq partııalardyń ózine degen "qurmetsizdigin" otstavkasynyń basty sebebi retinde atady.
Prezıdenttik qyzmetke deıin Halyqaralyq valıýta qoryn (MVF) basqarǵan saıasatker 2017 jyly BUU Bas hatshysynyń Batys Sahara máselesin retteý jónindegi jeke ókili bolyp taǵaıyndaldy. 2019 jyly densaýlyǵyna baılanysty bul qyzmetten de ketti.
Horst Keler 2019 jyldyń jeltoqsanynda Qazaqstan Prezıdenti Qasym-Jomart Toqaevpen kezdesken. Sol kezde ol Qazaqstandy Eýrazııadaǵy turaqtylyq aýmaǵy dep ataǵan bolatyn. Sonymen qatar, 2023 jyly Qazaqstannyń Táýelsizdik kúnimen Toqaevty arnaıy quttyqtaǵan.
