Alaş qairatkerı Ahmet Baitūrsynūly qazaq jerınde sosialistık qoǧam qūru ideiasyn qabyldamaǧan. Būl turaly tarih ǧylymdarynyŋ doktory, professor Mämbet Qoigeldiev Almatyda ötken «Ahmet Baitūrsynūly – Ūlt ūstazy» atty halyqaralyq ǧylymi-täjıribelık konferensiia barysynda aitty, dep habarlaidy QazAqparat.
Ǧalymnyŋ aituynşa, Ahmet Baitūrsynūly bolşevikter oilastyrǧan qoǧamdyq qatynastar jüiesıne ötuge qazaq qoǧamy daiar emes dep sanaǧan.
«Ahmet Baitūrsynov Keŋes bilıgın ūltymyzdyŋ negızgı sūranystaryna jauap beretın bilık jüiesı retınde moiyndamaǧan. Keŋes ükımetınıŋ basşysy Leninge joldaǧan hatynda: «Qazaqtarǧa ne keregı anyq jäne tüsınıktı. Ǧasyrlar boiy imperiialyq ezgıde bolǧan halyq öz bilıgı özınde bolǧanyn qalaidy», - dep jazdy. Saiasi bilıkke qatysty öz ūstanymyn bıldırumen bırge, Keŋes ükımetınen özı jaqsy bılmeitın elde radikaldy äleumettık reformalardy jürgızbeudı talap ettı. Ökınışke qarai, Keŋestık ortalyq tolyq negızdı būl eskertulerge qūlaq asqan joq»,- dedı Mämbet Qoigeldiev.Ol sondai-aq Ahmet Baitūrsynūlynyŋ ömır joly - halyq ömırıne jasalǧan qiianatqa tözbeuşılık jäne oǧan degen ymyrasyz qarsylyqtyŋ ülgısı ekenın atap öttı.
«Ol özınıŋ sanaly türde taŋdaǧan ömırlık joly turaly «El bügınşıl, menıkı erteŋ üşın» dep jazdy. 1929 jyly Mäskeude ötken tergeu prosesınde ömırlık ūstanymyn bylai bıldıredı: «Menıŋ ömırlık ūstanymym - qazaq halqynyŋ mädenietın köteruge mümkın bolǧanşa jaǧymdy jaǧdai tuǧyzu. Öitkenı, osy jol ǧana onyŋ ösıp-önuıne kepıldık bere alady. Osy ıs qandai ökımettıŋ qolynan kelse, men sol bilıkke razy bolmaqpyn»,- degen bolatyn»,- dedı professor Mämbet Qoigeldiev.Aita keteiık, bügın Almatyda «Ahmet Baitūrsynūly – Ūlt ūstazy» atty halyqaralyq ǧylymi-täjıribelık konferensiia öttı.
Ūqsas jaŋalyqtar
