22 mamyrda Eurasian Resources Group aksionerler qūrylymyndaǧy özgerıster turaly mälımdedı. Kompaniianyŋ mälımetınşe, ERG aksiialarynyŋ 39,3 paiyzyn käsıpker Şahmūrat Mütälıpke tiesılı Nature Energy Solutions Ltd. kompaniiasy satyp alǧan, dep habarlaidy «Adyrna» tılşısı.
Būl üles aksiialardyŋ 18,6%-yna ielık etken Patoh Şodievten, sondai-aq kompaniianyŋ 20,7% aksiiasyna ie bolǧan Aleksandr Maşkevichtıŋ mūragerlerınen satyp alynǧan.
«ERG-tıŋ barlyq käsıporyny ştattyq rejimde jūmys ıstep jatyr. Būl özgerıster biznestıŋ tūraqtylyǧyn odan ärı nyǧaituǧa, korporativtık basqaru tiımdılıgın arttyruǧa jäne toptyŋ ūzaqmerzımdı damu strategiiasyn jüzege asyruǧa baǧyttalǧan», — delıngen kompaniia habarlamasynda.
Kompaniia ökılderı özgerısterdıŋ qazırgı operasiialyq qyzmetke, öndırıstık baǧdarlamalardyŋ oryndaluyna jäne qyzmetkerler, serıktester men memleket aldyndaǧy mındettemelerge äser etpeitının mälımdedı.
Eske salaiyq, 2025 jyldyŋ jeltoqsanynda Financial Times basylymy Mütälıptıŋ ERG-degı üleske qyzyǧuşylyq tanytqany turaly jazǧan edı. Basylym mälımetınşe, qazaqstandyq käsıpker Şodiev pen Maşkevich mūragerlerınıŋ ülesın satyp aludy josparlap, olardyŋ ortaq ülesın 1,4 mlrd dollarǧa satyp alu şarttaryn aldyn ala kelısken. Osyndai ūsynysty ERG negızın qalauşylardyŋ bırınıŋ ūly Şuhrat İbragimov ta jasaǧan, alaida onyŋ kelıssözderı nätije bermegen.
Şahmūrat Mütälıp Forbes Kazakhstan jurnalynyŋ 2026 jylǧy eŋ bai biznesmender reitingınde 22-orynǧa köterılgen edı. Basylym onyŋ bailyǧyn 482 mln dollarǧa baǧalaǧan.
