Ankarada Qazaqstannyń Táýelsizdik kúni men qazaqtyń belgili aǵartýshysy, túrkitanýshy-ǵalym, kórnekti memleket qaıratkeri Ahmet Baıtursynulynyń 150 jyldyǵyna oraı, Ankara qalasyndaǵy Etımesgýt mýnııpalıtetinde Ult ustazynyń eskertkishi men parki saltanatty túrde ashyldy. Bul týraly Ǵylym jáne joǵary bilim mınıstrliginiń baspasóz qyzmeti jazdy, dep habarlaıdy «Adyrna» tilshisi.
Atalǵan sharaǵa Qazaqstannyń Túrkııadaǵy Tótenshe jáne Ókiletti Elshisi Erkebulan Sápıev, Etımesgýt mýnııpalıtetiniń ákimi Enver Demırel, Astana qalasy ákiminiń orynbasary Eset Baıken, QR Syrtqy ister mınıstriniń ókili Hasan Badjajy, Ankaradaǵy túrkitildes memleketter Elshilikteriniń ókilderi, TÚRKSOI ókilderi, «YDA» holdıng basqarma tóraǵasy Hýseın Arslan, zııaly qaýym, qazaq dıasporasy jáne BAQ ókilderi qatysty.
«Túrkııa Astanasy Ankara qalasynda Alash arysy Ahmet Baıtursynuly parkiniń jáne eskertkishiniń ashylýy — baýyrlas qazaq jáne túrik halyqtarynyń mádenı-gýmanıtarlyq qatynastarynyń aldaǵy ýaqytta da turaqty damýynyń kórsetkishi»,—delingen habarlamada.
