Serbııa men Kosovo arasyndaǵy jaǵdaı qaıtadan ýshyqty

1075
Adyrna.kz Telegram

Serbııa áskeri Prezıdent Aleksandra Výchıchtiń buıryǵymen urysqa daıyndala bastady. Jaǵdaıdyń ýshyǵýyna Kosovodaǵy serb nómirlerin jergilikti nómirlerge aýystyrý talaby sebep bolǵan. Bul jaıly Serbııa qorǵanys mınıstri Mılosh Výchevıch "Happy TV"-ge bergen suhbatynda aıtty.  

"Bas qolbasshy sananalatyn el Prezıdenti Serbııa qarýly kúshteriniń urysqa daıyndalýyna buıryq berdi. Atalmysh mindetteme elimizge kelgen qaterge toıtarys bergenge deıin minsiz oryndalatyn bolady", - dedi mınıstr.

Alaıda Výchevıch Kosovomen aradaǵy qaqtyǵystyń órshýin qalamaıtynyn jetkizdi. Serbııa saıasatynyń tıimdi formatta qaqtyǵystardy sheshýge baǵyttalǵanyn, biraq Belgradtyń oǵan kóndikpeı otyrǵanyn aıtty.

"Adyrna" ulttyq portaly 

Pikirler
Uqsas jańalyqtar