"Bizdiń qoǵamda qylmys jasaǵannyń tasy órge domalaıdy" - jýrnalıst Esengúl Kápqyzy

2812
Adyrna.kz Telegram

Jýrnalıst, ǵalym Esengúl Kápqyzy qazaq qoǵamyndaǵy keleńsiz qubylystarǵa qatysty pikir bildirip, áleýmettik jelide jazba jarııalady. Avtor óz jazbasynda qazaq qoǵamyndaǵy moraldyq ustanymnyń joqtyǵyn aıtyp, "qylmysker" adamdardyń tasy órge domalaıtynyn aıtady, dep habarlaıdy "Adyrna" ulttyq portaly. 

Jýrnalıst, birqatar ǵylymı eńbekterdiń avtory Esengúl Kápqyzy qazaq qoǵamyndaǵy qalyptasqan jaǵdaıdy synǵa aldy.
- Bizdiń qoǵamda qylmys marapattalady...
Bizde qylmys jasaǵan adamnyń tasy órge domalaıdy. Qyzmeti ósedi. Sóıtip, qylmysty zańdastyramyz. Anaý-mynaý qylmysty jasaı ber, tek tanymal bolsań boldy. Tanymaldylyǵyn seni qutqarady...
Osydan birneshe jyl buryn Tuńǵyshbaı Jamanqulov aǵamyz jemqorlyqpen isti bolǵanda bárimiz ara turdyq, "ol halyqtyń erkesi de, serkesi jese ne bopty?" dedik.
Sosyn Erlan Bilál óz qylmysyn moıyndasa da, onyń ataqtaryna tıispedik, qudaı-aý, biraz ýaqyttan keıin Abaıdyń rólin somdap, bizge aqyl aıtqysy keldi.
Al UBT-da qyzynyń jalǵan qujat paıdalanýyna jol bergen Tursynbek Qabatov ta marapattalypty, eldiń basty telearnalarynyń biri "Habardyń" kreatıvti prodıýseri bolypty.
Bizdiń qoǵam sondaı. Moraldy jıyp qoıǵanbyz, - dep jazdy jýrnalıst.
Oraıy kelgende aıta keteıik, Tursynbek Qabatov – «Habar» agenttiginiń kreatıvti prodıýseri bolyp taǵaıyndaldy. Bul týraly «Habar» Agenttigi AQ Basqarma tóraǵasy Berik Ýálı áleýmettik paraqshasynda jazǵan edi.
"Adyrna" ulttyq portaly
Pikirler