سەربيا اسكەرى پرەزيدەنت الەكساندرا ءۆۋچيچتىڭ بۇيرىعىمەن ۇرىسقا دايىندالا باستادى. جاعدايدىڭ ۋشىعۋىنا كوسوۆوداعى سەرب نومىرلەرىن جەرگىلىكتى نومىرلەرگە اۋىستىرۋ تالابى سەبەپ بولعان. بۇل جايلى سەربيا قورعانىس ءمينيسترى ميلوش ۆۋچەۆيچ "Happy TV"-گە بەرگەن سۇحباتىندا ايتتى.
"باس قولباسشى سانانالاتىن ەل پرەزيدەنتى سەربيا قارۋلى كۇشتەرىنىڭ ۇرىسقا دايىندالۋىنا بۇيرىق بەردى. اتالمىش مىندەتتەمە ەلىمىزگە كەلگەن قاتەرگە تويتارىس بەرگەنگە دەيىن ءمىنسىز ورىندالاتىن بولادى", - دەدى مينيستر.
الايدا ۆۋچەۆيچ كوسوۆومەن اراداعى قاقتىعىستىڭ ءورشۋىن قالامايتىنىن جەتكىزدى. سەربيا ساياساتىنىڭ ءتيىمدى فورماتتا قاقتىعىستاردى شەشۋگە باعىتتالعانىن، بىراق بەلگرادتىڭ وعان كوندىكپەي وتىرعانىن ايتتى.
"ادىرنا" ۇلتتىق پورتالى