"Bügınde jalpy Jambyl oblysy Qordai audanyndaǧy jaǧdai tūraqty. Qūqyq qorǧau organdary jergılıktı atqaruşy organdarmen jūmys ıstep jatyr. Bes künde 178 adam medisinalyq kömekke jügındı, olardyŋ 19-y - polisiia qyzmetkerlerı. Ökınışke qarai, 10 adam qaza tapty. Qaza tapqandardyŋ otbasyna kömek körsetılıp jatyr. Komissiia müşelerı Memleket basşysynyŋ atynan köŋıl aityp jatyr", - dedı jaŋa äkım ükımet otyrysynda.
Onyŋ aituynşa, 33 adam auruhanada jatyr.
"Qordai auruhanasynda - 13 adam, Almatyda 20 adam. Qyrǧyzstandaǧy auruhanalarda jatqandar Almaty men Tarazǧa auystyryldy. Barlyǧyna medisinalyq kömek körsetılıp jatyr. Qordaiǧa Almatydan myqty, tanymal därıgerler keldı", - dedı oblys äkımı.
Sondai-aq, Saparbaev 10 aqpannan bastap barlyq mektep pen balabaqşanyŋ ädettegıdei jūmys ıstep jatqanyn aityp öttı.
"Jergılıktı käsıpkerler men tūrǧyndar üiler men sauda oryndaryn saluǧa jūmylady. Biznesmendermen jūmys ıstep jatyrmyz. Olar kömek körsetuge daiyn, barlyq mümkındıktı paidalanymyz. Jalpy jaǧdai baqylauda. Barlyǧy dūrystalady dep oilaimyn", - dedı jaŋa äkım.
Eske salaiyq, keşe, 10 aqpanda Berdıbek Saparbaevtyŋ Jambyl oblysynyŋ äkımı qyzmetıne taǧaiyndalǧany habarlanǧan edı.
Ūqsas jaŋalyqtar
