"Búginde jalpy Jambyl oblysy Qordaı aýdanyndaǵy jaǵdaı turaqty. Quqyq qorǵaý organdary jergilikti atqarýshy organdarmen jumys istep jatyr. Bes kúnde 178 adam medıınalyq kómekke júgindi, olardyń 19-y - polıııa qyzmetkerleri. Ókinishke qaraı, 10 adam qaza tapty. Qaza tapqandardyń otbasyna kómek kórsetilip jatyr. Komıssııa músheleri Memleket basshysynyń atynan kóńil aıtyp jatyr", - dedi jańa ákim úkimet otyrysynda.
Onyń aıtýynsha, 33 adam aýrýhanada jatyr.
"Qordaı aýrýhanasynda - 13 adam, Almatyda 20 adam. Qyrǵyzstandaǵy aýrýhanalarda jatqandar Almaty men Tarazǵa aýystyryldy. Barlyǵyna medıınalyq kómek kórsetilip jatyr. Qordaıǵa Almatydan myqty, tanymal dárigerler keldi", - dedi oblys ákimi.
Sondaı-aq, Saparbaev 10 aqpannan bastap barlyq mektep pen balabaqshanyń ádettegideı jumys istep jatqanyn aıtyp ótti.
"Jergilikti kásipkerler men turǵyndar úıler men saýda oryndaryn salýǵa jumylady. Bıznesmendermen jumys istep jatyrmyz. Olar kómek kórsetýge daıyn, barlyq múmkindikti paıdalanymyz. Jalpy jaǵdaı baqylaýda. Barlyǵy durystalady dep oılaımyn", - dedi jańa ákim.
Eske salaıyq, keshe, 10 aqpanda Berdibek Saparbaevtyń Jambyl oblysynyń ákimi qyzmetine taǵaıyndalǵany habarlanǵan edi.
