AQSh pen Batys Eýropa elderiniń áskerı sheneýnikteri Ýkraına aldaǵy aptada reseılik basqynshylardy Herson oblysynan azat etetin aıtty. Bul týraly Financial Times jarııalady, dep habarlaıdy “Adyrna” ulttyq portaly.
“Ýkraına kúshteri Reseıdiń Herson oblysyndaǵy maıdan shebin qazan aıynyń basynda buzyp-jaryp ótti. Sol kezde ony Reseı Qorǵanys mınıstri moıyndady. Bul Ýkraınanyń aqpan aıynda RF qarýly kúshteriniń basyp kirgeli ýaqyttan bergi ońtústiktegi birinshi márte ilgeri jyljýy boldy. Sol merzimnen beri Ýkraına Dneprdiń batysyndaǵy terrıtorııanyń aıtarlyqtaı bóligin qaıtaryp aldy”, – delingen habarlamada.
Eger ýkraın jaýyngerleriniń qarqyndy shabýyldary jalǵasa berse, Batys áskerıleriniń boljamy boıynsha, Ýkraına aldaǵy aptada Hersonnan Dneprge deıingi aralyqty qaıtaryp ala alady.
Sondaı-aq, Ýkraına Qarýly kúshteriniń «Ońtústik» jedel komandovanıesi Herson oblysynyń taǵy bes eldi mekeniniń Reseı basqynshylarynan azat etilgenin, reseılik baqylaý beketi men komandalyq-baqylaý ortalyǵynyń jáne eki býksırli gaýbıasynyń joıylǵanyn málimdedi.
Aıta keteıik, Ýkraına soǵys bastalǵaly beri Reseıden 1 620 eldi mekendi azat etti. Sonyń ishinde Herson óńirinde 72 aýyl-aımaq qaıtaryldy.
