Mońǵolııanyń burynǵy prezıdenti ahıagıın Elbagdorj Vladımır Pýtınniń amerıkandyq telejúrgizýshi Taker Karlsonǵa bergen suhbatyna jaýap berdi, dep habarlaıdy “Adyrna” ulttyq portaly DW.com aqparat agenttigine silteme jasap.
Suhbatta Reseı prezıdenti Pýtın qazirgi Ýkraına terrıtorııasynyń kóp bóligi buryn Reseı ımperııasynyń quramynda bolǵanyn birneshe ret eske salǵan bolatyn.
Elbagdorj dúısenbi, 12 aqpanda H áleýmettik jelisinde jarııalaǵan kartada qazirgi Reseıdiń shekarasynyń aýmaǵy Shyńǵys han ımperııasynyń bir bóligi sııaqty kórsetilgen.
"Pýtınniń suhbatynan keıin, men Mońǵolııanyń tarıhı kartasyn taptym. Ýaıymdamańyz. Biz beıbit jáne erkin ultpyz", - dep jazdy burynǵy mońǵol prezıdenti Reseıdiń Ýkraınaǵa basyp kirýin aqtaıtyn reseılik úgit-nasıhattyń negizgi tezısteriniń birin ıronııalap.
Jalpy, Mońǵolııa Máskeýmen tyǵyz ekonomıkalyq jáne saıası baılanystardy saqtaıdy, elde mektepte orys tili oqytylady. Reseıdiń Ýkraınaǵa qarsy soǵysynda el resmı túrde beıtarap pozıııany ustanady. Sonymen birge, 2022 jyly Elbagdorj Pýtındi shapqynshylyqty toqtatýǵa shaqyrdy. Ol ózi Mońǵolııa prezıdenti qyzmetin 2009 jyldan 2017 jylǵa deıin atqardy.
“Adyrna” ulttyq portaly
