Ýkraınaǵa qarsy soǵysta Reseı tarapynda soǵysqan KHDR-dyń áskerı qyzmetkerleri shyǵynǵa ushyraǵannan keıin Kýrsk oblysyna shegindi, dep habarlaıdy "Adyrna" ulttyq portaly.
Bul týraly beısenbi kúni amerıkalyq The New York Times gazeti aty-jóni atalmaǵan ýkraınalyq jáne amerıkalyq sheneýnikterge silteme jasap habarlaǵan. Olardyń aıtýynsha, soltústikkoreıalyq áskerı qyzmetkerlersońǵy eki aptada maıdan shebinde baıqalmaǵan.
Ýkraınalyq sheneýniktiń túsindirýinshe, KHDR áskerı kúshteri men reseılik áskerlerdiń úılesimdilikte bolmaýy olardyń shyǵyndarynyń artýyna sebep bolǵan. Soltústikkoreıalyq sarbazdar soǵys alańyna kelgen kezden bastap óz betterimen áreket etip, az ǵana bronetehnıkamen alǵa jyljyǵan jáne sırek jaǵdaıda ǵana qaıta toptasý úshin aıaldaǵan.
Ýkraınadaǵy derekkózderge silteme jasaǵan NYT basylymy osyndaı aqparat taratty. Buǵan deıin brıtandyq Sky News telearnasy da KHDR áskerleriniń úlken shyǵyndarǵa ushyrap, maıdan shebinen shyǵarylǵanyn habarlaǵan.
Ýkraına qarýly kúshteriniń arnaıy operaııalar kúshteriniń ókili Aleksandr Kındratenko da óz baǵyty boıynsha KHDR áskerı qyzmetkerleriniń joq ekenin rastady.
"KHDR áskerleri shamamen úsh apta boıy baıqalmady. Bálkim, olar aýyr shyǵynǵa ushyrap, sheginýge májbúr bolǵan", – dep jazdy onyń sózin Ýkraınskaıa pravda basylymy.
Al Reseı bıligi Soltústik Koreıa áskerı kúshteriniń shegerilýi týraly aqparatqa túsinikteme bermedi.
"Onda durys ta, burys ta, qısynsyz da, shyndyq burmalanǵan pikirler aıtylyp jatyr. Sondyqtan ár joly pikir bildirgenimiz durys emes shyǵar", – dedi Reseı prezıdentiniń baspasóz hatshysy Dmıtrıı Peskov.
Aıta keteıik, 2024 jylǵy qarashada Soltústik Koreıa men Reseı jan-jaqty strategııalyq seriktestik týraly kelisimdi ratıfıkaııalaǵan bolatyn. Vladımır Pýtınniń Phenıanǵa sapary kezinde jasalǵan bul kelisimniń sharttaryna sáıkes, eki eldiń biri qandaı da bir memlekettiń qarýly shabýylyna ushyrap, soǵys jaǵdaıyna tússe, ekinshisi oǵan barlyq qolda bar quraldarymen áskerı jáne ózge de kómek kórsetýge mindetteledi.
