Vaşingtonda jerlengen qazaqtyŋ jazuşysy Mūhtar Maǧauinnıŋ qabırıne arnaiy ziiarat jasalyp,tuǧan jerınıŋ topyraǧy jetkızılıp, qūran baǧyştaldy, dep habarlaidy "Adyrna" ūlttyq portaly.
Jazuşynyŋ ūly Edıge Maǧauin Qazaqstandaǧy ata-babalary jerlengen Abai oblysy, Şūbartau audanyndaǧy Bosaǧa ölkesınen aparylǧan topyraq pen jusandy yrymdap, äkesınıŋ qabırıne qoidy.
Ziiarat räsımıne Vaşingtondaǧy Kazakh American Association müşelerı qatysty.
Ziiarattan keiın Edıge Maǧauinnıŋ üiınde eske alu jiyny ötıp, qūran oqyldy. Jazuşynyŋ kabinetı men kıtaphanasy älı de sol qalpynda saqtalǧan. Tūrǧan üiın mūrajaiǧa ainaldyru jūmystary jürgızılude. Jiynda atamyzdyŋ ömırı men şyǧarmaşylyǧy jaily estelıkter aityldy.
Äŋgıme barysynda Mūhtar Maǧauinnıŋ 2022 jyly syrqattanyp jatyp, «jazyp jatqan kıtabymdy aiaqtauǧa üş jyl ömır berşı» dep dūǧa etkenı, aqyrynda eŋbegın 2024 jyldyŋ küzınde aiaqtap, 2025 jyldyŋ qaŋtarynda, 85 jasqa toluyna bır ai qalǧanda ömırden ötkenı eske alyndy.
Būǧan deiın Maǧauinnıŋ AQŞ-taǧy qabırınen alynǧan bır uys topyraq Qazaqstanǧa jetkızılıp, babalarynyŋ qasyna qoiylǧan bolatyn.
