Almaty oblysy Uzynaǵash aýylyndaǵy zıratta tonaý faktileri jıilep ketti. Marqum bolǵandardyń týystary qylmyskerlerdi ustap, jazalaýdy talap etti. Bul týraly Almaty arnasy jarııalady, dep habarlaıdy “Adyrna” ulttyq portaly.
Aqparat boıynsha, búkil zıratta bir kezdegi ádemi shoıyn qorshaýlardan tek baǵanalar men qıraǵan irgetas qalǵan.
“Jerge kirip keterdeı boldym. Bulaı istegenderi qaı sasqandary?! Muny adam istemeı almaıdy. Bular adam emes!”, – dep ashýǵa býlyqty Uzynaǵash aýylynyń turǵyny Marat Qarabaev.
Marqum týystary osynda jerlengenderdiń biri - Zýhra Qarabaeva. Ol munda qyzymen birge kelgen. Zıratta áıeldiń anasy jerlengen. Áıel jaǵdaıdy kórip, jaǵasyn ustady. Sharbaqty buzyp, alyp ketken, irgetas búlingen. Ol polıııaǵa aryzdanyp úlgergen. Alaıda qylmyskerler áli tabylǵan joq.
“Ata-apamyz jerlengen myna sharbaqqa 38 jyl boldy. Mundaı birinshi ret bolyp tur. Bul qorqynyshty! Bul ne degen zaman boldy, adamdar nege qatygez bolyp ketkenin de túsinbeımin. Nege adamdar Qudaıdan da, tozaqtan da qoryqpaıdy?! Mundaı vandalızmmen aınalysý qorqynyshty ǵoı. Zırattan birdeńeni qalaı alyp ketýge bolady?!”, – dep pikir bildirdi Zýhra Qarabaeva.
Barlyǵy 15 beıit tonalǵan. Bul rette jeńil metaldan jasalǵan qorshaýlar sol kúıinde qalypty. Tek shoıynnan jasalǵandary urlanǵan.
Munda qaldyrylǵan qolǵaptar, sondaı-aq baǵananyń birkelki kesilýi shabýylshylardyń tolyq «qarýlanǵanyn» anyq kórsetedi, óıtkeni olar árqaısysynyń salmaǵy keminde bes keli bolatyn baǵanany kótergen.
Zattaı derekter qylmystyq is materıaldaryna qosyldy. Polıeıler kinálilerdi jaýapqa tartý úshin bar kúsh-jiger jumsalatynyna sendirdi.
«Búgin 24 qyrkúıekte túsken aryz boıynsha qylmystyq is qozǵaldy. Jedel tergeý sharalary júrgizilýde. Beıitteri talan-tarajǵa túsken jerlengenderdiń týystary oqıǵa jaıly habardar etiledi. Mundaı jaǵdaımen birinshi ret kezdesip turmyn», - dedi Jambyl aýdandyq polıııa basqarmasy bastyǵynyń orynbasary Jarqyn Ershanov.
Osy oqıǵadan keıin polıeıler metall jınaý oryndaryna reıd júrgizedi. Ázirge bul nátıje bergen joq. Qazir zırattyń ózinde tártip saqshylary táýlik boıy kezekshilikte tur.
”Adyrna” ulttyq portaly
