Astana áýejaıynyń burynǵy qyzmetkerleri 27 myń dollarǵa jýyq aqshany urlady degen kúdikke ilindi, dep habarlaıdy "Adyrna" ulttyq portaly Kólik polıııasy basqarmasynyń baspasóz qyzmetine siltep.
«Kólik polıııasy qyzmetkerleri kólik prokýratýrasymen birlesip júrgizgen jedel-izdestirý is-sharalarynyń nátıjesinde atalǵan qylmystardy jasady degen kúdikpen áýe aılaǵynda júk tıeýshi bolyp jumys istegen alty adamnan turatyn top ustaldy», - delingen habarlamada.
Tamyz aıynda Astana-Stambýl reısiniń jolaýshysy chemodanynan 19 myń dollar joǵaltsa, Astana-Dýbaı reısiniń jolaýshysy da 7800 dollarynan aıyrylǵanyn málimdegen.
Kóliktegi polıııa departamenti sońǵy ýaqytta Astana áýejaıynda qolma-qol aqshany, altyn buıymdardy jáne basqa da qundy zattardy urlaýmen chemodandardy ruqsatsyz ashý faktileri jıilep ketkenin atap ótti.
«Ustalǵandar kinálaryn moıyndady, aqshanyń bir bóligi tárkilenip, ıelerine qaıtaryldy. Qazirgi ýaqytta qajetti tergeý amaldary júrgizilip, kúdiktilerdiń osyǵan uqsas basqa da qylmystarǵa qatysy bar-joǵy tekserilýde», - delingen habarlamada.
