Almaty oblysynyŋ Ile audanyna qarasty Baiserke auylynda «Baiserke aspany – 2026» aviasiialyq merekesı bastaldy. Aşyq aspan astyndaǧy şara aviasiia äuesqoilaryn, sala mamandaryn, öŋır tūrǧyndary men qonaqtaryn bır alaŋǧa jinady.
Aviasiialyq mereke aiasynda ötken baspasöz mäjılısınde Qazaqstandaǧy şaǧyn aviasiiany damytu, jastardy tehnikalyq mamandyqtarǧa tartu, aviasiialyq mädeniettı qalyptastyru jäne Almaty oblysynyŋ turistık äleuetın arttyru mäselelerı talqylandy.
Jiynǧa «SP «Bäiterek» AQ basqarma töraǧasy, Qazaqstannyŋ Halyq qaharmany, ūşqyş-ǧaryşker Aidyn Aiymbetov, «Otan» aerokluby qoǧamdyq bırlestıgınıŋ basşysy Iýrii Elsov, «Tian-Şan» aviasiialyq ūşu ortalyǧynyŋ bas direktory Vladimir Ansupov jäne Qazaqstandyq şaǧyn aviasiia qauymdastyǧynyŋ prezidentı Ömırbek Keŋesbaev qatysty.
Baspasöz mäjılısınde mamandar aviasiiany tek käsıbi salamen şektep qarauǧa bolmaitynyn atap öttı. Olardyŋ pıkırınşe, aviasiia – jastardyŋ tehnika men injeneriiaǧa qyzyǧuşylyǧyn arttyryp, bolaşaq mamandyǧyn taŋdauǧa yqpal etetın maŋyzdy baǧyttardyŋ bırı.
Osy oraida köpşılıkke arnalǧan aviasiialyq şaralardyŋ rölıne erekşe nazar audaryldy. Mūndai alaŋdar tūrǧyndarǧa aviasiianyŋ mümkındıkterın jaqynnan tanyp qana qoimai, osy salada eŋbek etetın mamandarmen tıkelei jüzdesuge mümkındık beredı.
Sala ökılderı äsırese balalar men jasöspırımderdıŋ ūşqyş, injener, tehnik sekıldı mamandyqtarǧa qyzyǧuşylyǧyn arttyru maŋyzdy ekenın aitty. Aviasiialyq tehnikany öz közımen köru, käsıbi mamandarmen söilesu jäne äue kemelerınıŋ jūmysymen tanysu jastardyŋ bolaşaq käsıbi baǧdaryn aiqyndauyna yqpal etuı mümkın.
Sonymen qatar, jiynda şaǧyn aviasiiany damytu mäselesı köterıldı. Mamandar būl baǧytty ılgerıletu üşın infraqūrylymmen qatar qoǧamda aviasiialyq mädeniettı qalyptastyru, äue keŋıstıgınıŋ mümkındıkterı turaly aqparatty keŋınen taratu jäne būqaralyq ıs-şaralardy jüielı ötkızu maŋyzdy ekenın atap öttı.
Baspasöz mäjılısınen keiın «Baiserke aspany – 2026» merekesınıŋ negızgı baǧdarlamasy bastaldy. Baiserke aspanynda äue kemelerı qalyqtap, alaŋda aviasiialyq tehnika köpşılık nazaryna ūsynyldy. Türlı körsetılımder men tanymdyq baǧdarlamalar merekenıŋ negızgı bölıgıne ainaldy.
Şaraǧa kelgen qonaqtar äue tehnikasyn jaqynnan tamaşalap, aviasiia salasynyŋ tynys-tırşılıgımen tanysuǧa mümkındık aldy. Mamandar keluşılerge äue kemelerınıŋ erekşelıkterı men aviasiialyq mamandyqtar turaly aqparat berdı.
Merekege balalar men jasöspırımderdıŋ qyzyǧuşylyǧy da joǧary boldy. Ūiymdastyruşylardyŋ aituynşa, şaranyŋ negızgı mındetterınıŋ bırı – jas buynnyŋ aspan älemıne degen qyzyǧuşylyǧyn naqty bılım men käsıbi baǧdarǧa ūlastyru.
«Baiserke aspany – 2026» aviasiiany nasihattaumen qatar, Almaty oblysynyŋ turistık mümkındıkterın tanystyrudy da közdeidı. Ūiymdastyruşylar aviasiia men turizmdı bailanystyru arqyly öŋırge degen qyzyǧuşylyqty arttyruǧa bolatynyn atap öttı.
Almaty oblysynyŋ tabiǧi erekşelıkterı men aşyq keŋıstıgı aviasiialyq turizm baǧyttaryn damytuǧa mümkındık beredı. Osy tūrǧydan alǧanda, Baiserkedegı mereke äue tehnikasynyŋ körsetılımı ǧana emes, öŋırdıŋ turistık tartymdylyǧyn jaŋa qyrynan tanytatyn alaŋ retınde de qarastyrylyp otyr.
Şara barysynda käsıbi mamandardyŋ täjıribesı, aviasiialyq tehnikanyŋ körsetılımı men köpşılıkke arnalǧan baǧdarlamalar özara üilesım tapty. Keluşıler üşın būl aviasiia älemın jaqynnan tanyp, jaŋa äser aluǧa mümkındık berse, jastar üşın bolaşaq mamandyǧy turaly oilanuǧa sebep bolatyn tanymdyq şaraǧa ainaldy.
«Baiserke aspany – 2026» merekesınıŋ basty ideiasy da osy – aviasiiany köpşılıkke jaqyndatyp, onyŋ mümkındıkterın körsetu. Öitkenı bügın aspandaǧy ūşaqqa qyzyǧa qaraǧan balanyŋ erteŋ ūşqyş, aviasiia injenerı nemese tehnik boluy äbden mümkın.
Osylaişa, Baiserkede ötıp jatqan aviasiialyq mereke äue kemelerınıŋ äserlı körsetılımımen ǧana şektelmei, şaǧyn aviasiiany damytu, jastardy tehnikalyq mamandyqtarǧa baǧyttau jäne Almaty oblysynyŋ turistık äleuetın tanytuǧa arnalǧan mazmūndy alaŋǧa ainaldy.
