Aty omaqasa qulasa da, márege júgenin ala júgirgen shabandoz bala kópshilikti táti etti. Erekshe oqıǵa 23 qyrkúıek kúni Qarqaraly aýdany, Eńbek (Tatan) aýylynda bolǵan, dep jazady "Adyrna" ulttyq portaly.
Aýyl meshittiń boı kóterýine oraı ótken báıgede júgenin julqa júgirgen shabandoz bala qalyń kópshiliktiń kózaıymyna aınaldy. Sáıgúligi súrinse de, 30 shaqyrymdyq alamannyń júldesin qanjylaǵan balanyń mańdaıynan óbip, batasyn berip, tilektestik tanytyp jatqandar kóp.
View this post on Instagram
Áserli oqıǵanyń kýási bolǵan aqyn Janat Jańqashuly:
"Jıylǵan jurttyń aýzyndaǵy sóz júgen súırep ótken bala boldy. Kómbege deıin birinshi kelgen at opat bolyp, shabandozy men tul júgen ekinshi bolyp ótti. Marapattaý sátinde halyq arasynan balanyń qolyna júldeniń bir mıllıonynan bólek, halyqtyń bergen batasy hám elden shyqqan erlerdiń taǵy da aqshalaı syılyǵy jáne anasy ekeýine Dýbaıǵa týr bılet tapsyryldy", - dep jazdy óz paraqshasynda.
"Qazaqtyń ıgi jaqsylary aýyldan shyqqan ǵoı. Aýyldaryńyz aman bolsyn!", "Balanyń jigerin jasytpaı, jigerlendirip jibergenderiń durys bolǵan eken. Eldik! Azamattyq!", "Kishkentaı ǵana júregińnen aınaldym..." dep súısindi oqyrmandar.
"Adyrna" jýrnalısi júgenmen júgirgen shabandozǵa qatysty derekterdi anyqtap kórdi. Shabandoz - 11 jasar Nurahanov Arnat Murathanuly, Jambyl oblysy, Turar Rysqulov aýdany, Kókdónen aýylynyń perzenti. Aýyldastarynyń aıtýynsha, shaǵyn kelgen shymyr deneli, taqymy myǵym Arnatqa aýyldaǵy atbegilerdiń birden kózi túsip, báıge attarynyń tiziginin senip tapsyrǵan.
"Adyrna" ulttyq portaly
