Aqtóbe oblysy Temir aýdany Qopa aýylyndaǵy 9-synyp oqýshysynyń óliminen soń mektep dırektory qyzmetinen bosatyldy, kámeletke tolmaǵan eki kúdikti eki aıǵa qamaldy. Bul týraly oblystyq prokýratýranyń baspasóz qyzmeti málimdedi, dep habarlaıdy “Adyrna” ulttyq portaly.
QR Bas prokýrorynyń tapsyrmasynan soń Aqtóbe oblysy Temir aýdany Qopa aýylyndaǵy qylmystyq oqıǵany tergeý jumysyn oblys prokýrory H.Dáýeshov jeke baqylaýyna aldy.
«QR Qylmystyq proestik kodekstiń 128-babynyń tártibimen kámeletke tolmaǵan 2 kúdikti ustaldy. Temir aýdandyq soty 2 aı merzimge qamaýǵa alý túrindegi bultartpaý sharasyn sankııalady. Oqıǵa boıynsha tergep-tekserýdi Aqtóbe oblystyq polıııa departamentiniń jedel-tergeý toby júrgizip jatyr. Qadaǵalaýdy júzege asyrý tájirıbeli proessýaldyq prokýrorlar tobyna júkteldi. Oblystyq prokýratýra jergilikti atqarýshy organnyń atyna Temir aýdany ákiminiń, oblystyq Bilim basqarmasy jáne aýdandyq bilim bóliminiń laýazymdy tulǵalarynyń jaýapkershiligin sheshý jóninde usynys engizdi. Búgingi kúni qadaǵalaý aktisimen Qopa aýylyndaǵy mekteptiń dırektory R.E.Qarjaýov qyzmetinen bosatyldy. Basqa málimetter tergeý múddesine qatysty jarııalanbaıdy», - dep habarlady Aqtóbe oblystyq prokýratýrasynyń baspasóz qyzmeti.
Eske salsaq, 2 qyrkúıek kúni Qopa aýylynda oqýshylar tóbelesip, 9-synyp oqýshysy qaıtys bolǵan. Bas prokýror Berik Asylov bul isti jeke baqylaýyna alǵanyn habarlady.
