Shyǵys Qazaqstan oblystyq "Bilim-ınnovaııa" mamandandyrylǵan lıeıiniń oqýshysy Temirlan Baıbolov El maqtanyshy syılyǵynyń ıegeri atanyp, bir mıllıon teńge syıaqyǵa ıe boldy, dep habarlaıdy "Adyrna" ulttyq portaly Altaınıýs. saıtyna silteme jasap.
"Elbasy akademııasynyń" málimetinshe, bul syılyq bedeldi halyqaralyq pándik olımpıadalarda júldeli oryndarǵa ıe bolǵan oqýshylar men olardyń jattyqtyrýshy-tálimgerlerine arnalǵan.
Temirlan Baıbolov 2020 jyly IOI ınformatıka páninen halyqaralyq olımpıadada kúmis medaldi jeńip alǵan. El maqtanyshy – onyń ekinshi syılyǵy.
On birinshi synyptyń ozat oqýshysy jaz boıy olımpıadaǵa daıyndalypty.
"Bul joba daryndy balalardyń esimderin dáripteıdi. Olardyń bas qosyp, pikir almasýyna múmkindik beredi. Materıaldyq kómek te qýantady, álbette. Ásirese kóp jaǵdaıda esimi atalmaı qalatyn muǵalimderdiń de eńbegi elenedi. Sonysymen unaıdy", – deıdi Temirlan.
