Qazaqstandyq bılım jüiesındegı kadrlyq mäseleler jaily KAZGIýU Universitetınıŋ Basqarma töraǧasy Talǧat Närıkbaev NUR.KZ portalynyŋ tılşısıne pıkır bıldırdı.
Kadrlardy daiyndau mäselesı bırınşı orynda tūruy kerek. Iаǧni joǧary oqu oryndarynda oqytuşy mamandyǧy bedeldı boluy tiıs. Sonda jastar oqytuşylyqqa ūmtylady, ǧylymǧa bet būrady. Bılım salasyndaǧy özektı mäselerdı talqylai kele, Talǧat Närıkbaev elımızde jekemenşık universitetter turaly az aitylatynyn da atap öttı.
«Elımızde bırınşı orynǧa ärdaiym ūlttyq, memlekettık JOO-lardy qoiady. Bıraq olardyŋ da öz problemalary jeterlık, tıptı keibırınıŋ deŋgeiı jekemenşık universitetterden de tömen. Köptegen jekemenşık joǧary oqu oryndary bıraz uaqyttan berı batystyq ülgı boiynşa bılım beru prosesın sättı jüzege asyryp kele jatyr. Memlekettık universitetterge sondai JOO-lardy nege ülgı retınde körsetpeske? Olardyŋ şyn mänısınde myqty ekenı aityla bermeidı. Kerısınşe, qoǧamǧa: «Qazaqstanda osyndai JOO-lar bar, Reseige nemese basqa elge ketudıŋ qajetı joq, elımızde qalyŋdar» - dep, közderın jetkızu kerek»,- deidı ol. Onyŋ pıkırınşe, qazaqstandyq bılım jüiesınde bırqatar problemalar bar ärı QR Bılım jäne ǧylym ministrlıgı ony joqqa şyǧarmaidy. Myqty professorlyq-oqytuşylyq qūramnyŋ bolmauy da özektı problemalardyŋ qatarynda. «Jaqynda QR Bılım jäne ǧylym ministrı Ashat Aimaǧambetov Feisbukte jazba qaldyrdy. Paraqşasynda vedomstvolyq baǧynysty universitetterdıŋ jalaqysyn şūǧyl türde arttyryp, eŋ tömengı ailyq mölşerın 200 myŋ teŋgege ösıru qajettıgın mälımdegen. Mysal retınde elımızdıŋ ūlttyq memlekettık universitetterınıŋ bırınde ortaşa ailyq 110 myŋ teŋge ekenın aitypty. Būl atalǧan universitette professorlyq-oqytuşy qūramynyŋ sapasy naşar ekenın bıldıredı. Sebebı jaqsy maman universitetke 110 myŋ teŋgege jūmysqa kelmeidı. Qazır memlekettık jäne ūlttyq joǧary oqu oryndary professorlarynyŋ jalaqysyn 450 myŋ teŋgege köteru mındetın qoiyp otyr. Būl şeşım sapaly kadr tartuǧa kömektesedı», - dep atap öttı Talǧat Närıkbaev.
