Qazaqstandyq bilim júıesindegi kadrlyq máseleler jaıly KAZGIýÝ Ýnıversıtetiniń Basqarma tóraǵasy Talǵat Nárikbaev NUR.KZ portalynyń tilshisine pikir bildirdi.
Kadrlardy daıyndaý máselesi birinshi orynda turýy kerek. Iaǵnı joǵary oqý oryndarynda oqytýshy mamandyǵy bedeldi bolýy tıis. Sonda jastar oqytýshylyqqa umtylady, ǵylymǵa bet burady. Bilim salasyndaǵy ózekti máselerdi talqylaı kele, Talǵat Nárikbaev elimizde jekemenshik ýnıversıtetter týraly az aıtylatynyn da atap ótti.
«Elimizde birinshi orynǵa árdaıym ulttyq, memlekettik JOO-lardy qoıady. Biraq olardyń da óz problemalary jeterlik, tipti keıbiriniń deńgeıi jekemenshik ýnıversıtetterden de tómen. Kóptegen jekemenshik joǵary oqý oryndary biraz ýaqyttan beri batystyq úlgi boıynsha bilim berý proesin sátti júzege asyryp kele jatyr. Memlekettik ýnıversıtetterge sondaı JOO-lardy nege úlgi retinde kórsetpeske? Olardyń shyn mánisinde myqty ekeni aıtyla bermeıdi. Kerisinshe, qoǵamǵa: «Qazaqstanda osyndaı JOO-lar bar, Reseıge nemese basqa elge ketýdiń qajeti joq, elimizde qalyńdar» - dep, kózderin jetkizý kerek»,- deıdi ol.
Onyń pikirinshe, qazaqstandyq bilim júıesinde birqatar problemalar bar ári QR Bilim jáne ǵylym mınıstrligi ony joqqa shyǵarmaıdy. Myqty professorlyq-oqytýshylyq quramnyń bolmaýy da ózekti problemalardyń qatarynda.
«Jaqynda QR Bilim jáne ǵylym mınıstri Ashat Aımaǵambetov Feısbýkte jazba qaldyrdy. Paraqshasynda vedomstvolyq baǵynysty ýnıversıtetterdiń jalaqysyn shuǵyl túrde arttyryp, eń tómengi aılyq mólsherin 200 myń teńgege ósirý qajettigin málimdegen. Mysal retinde elimizdiń ulttyq memlekettik ýnıversıtetteriniń birinde ortasha aılyq 110 myń teńge ekenin aıtypty. Bul atalǵan ýnıversıtette professorlyq-oqytýshy quramynyń sapasy nashar ekenin bildiredi. Sebebi jaqsy maman ýnıversıtetke 110 myń teńgege jumysqa kelmeıdi. Qazir memlekettik jáne ulttyq joǵary oqý oryndary professorlarynyń jalaqysyn 450 myń teńgege kóterý mindetin qoıyp otyr. Bul sheshim sapaly kadr tartýǵa kómektesedi», - dep atap ótti Talǵat Nárikbaev.
