"Aýzynan kóbik aqty": Qyzylordada bosanýǵa barǵan ana sábıimen birge kóz jumdy

2336
Adyrna.kz Telegram

Qyzylorda qalasyndaǵy «Ana men bala» ortalyǵyna bosanýǵa óz aıaǵymen barǵan Jazıra Qojanova ishtegi sábıimen birge baqılyq boldy, dep jazady "Adyrna" ulttyq portaly 31 telekanalǵa silteme jasap. 

Qaıtys bolar aldynda tolǵaq ústinde jatqan áıeldiń aýzynan kóbik aǵyp, qatty qınaldy deıdi marqumnyń qasynda bolǵan sińlisi.  Aıtýynsha, muny kóre tura dárigerler tıisti em júrgizbeı, jumystaryna salǵyrt qaraǵan. Sonyń kesirinen tórt balanyń anasynan aıyryldyq degen marqumnyń jaqyndary ortalyq aldyna jınaldy.

Tórt balanyń anasy ótken aptanyń sońynda óz aıaǵymen ana men bala ortalyǵyna barǵanda búkil áýlet shekesi torsyqtaı ul dúnıege keledi dep úmittengen. Biraq búgin jetken qaraly habarǵa marqumnyń jaqyndary áli de sene alar emes. Marqumnyń týystary tolǵaq ústinde kóz jumǵan áıeldiń ólimine dárigerlerdi kinálaıdy. Al túni boıy Jazıranyń qasynda bolǵan sińilisi onyń tolǵaq kezinde qatty qınalǵanyn aıtady. Júregi qysyla bastaǵanda aq halattylarǵa kesir tiligi arqyly bosandyryńyzdar dep jalyndyq ta deıdi. Aıtýlarynsha, sonda da dárigerler tıisti em jasaýǵa asyqpaǵan.

– Ápkemniń kózi alaryp ketip bara jatyr eken. Aýzynan kóbik aǵyp... Akýsherge biz neshe ret bardyq. Tolǵatyp jatqan kezde qolyn ustaıdy ǵoı. Bul adamdy ıterip jiberdi ǵoı. Adam qurly kórgen joq. Sol sátte júkti kelinshektiń qasynda bolǵan jaýapty dáriger marqum Jazıranyń densaýlyǵynda eshqandaı kinárat bolmady deıdi. Tipti bosanýǵa tolyq daıyn bolǵanyn aıtady. Biraq áıeldiń kóz jumý sebebin ózi de bilmeı otyr,- deıdi marqumnyń sińlisi Saltanat Qojanova. 

 – Tıisti emin jasadyńyzdar ma? – Jasaldy bári. – Biraq aman alyp qala almadyńyzdar. – Qolymyzdan kelmedi. – Óz mindetińizdi tolyq oryndadyńyz ba? – Joq, olaı aıta almaımyn", deıdi «Ana men bala» ortalyǵynyń dárigeri Janar Nurymbetova. 

Osylaısha, Jazırany bosandyrmaq bolǵan dáriger mardymdy jaýap bermedi. Sábı men ana ólimine qatysta densaýlyq saqtaý basqarmasyndaǵylar da ázirge jaq ashpaı otyr. Al 39 jasynda marqum bolǵan Jazıra Qojanovanyń úıinde joldasy men tórt balasy kútken edi... Qapyda qaıǵy jamylǵan januıa jaýaptylardyń barlyǵy zańmen jazasyn alsyn dep otyr. 

"Adyrna" ulttyq portaly

Pikirler