Jetısu oblysy qūrylǧannan bergı üş jyl ışınde öŋır aumaǧynda jaŋadan 11 saiabaq, 5 skver jäne 2 alleia salynǧan. Al biyl oǧan qosa jalpy aumaǧy 11.3 ga bolatyn taǧy 7 jasyl aumaq jasalady. Olar Eskeldı, Köksu, Alaköl, Qaratal audandary men Taldyqorǧan qalasynda. Eldı mekenderdı abattandyru şaralary «Taza Qazaqstan» ekologiialyq baǧdarlamasy aiasynda qolǧa alynyp otyr, - dep habarlaidy Jetısu oblysy äkımınıŋ baspasöz qyzmetı.
Kögaldandyru şaralarymen qatar jasyl jelektı suaru jüiesın jürgızu de qarastyryluda, iaǧni jaŋa saiabaqtarda, skverler men alleialarda avtomatty suaru, aryq jüiesımen nasos qondyrǧylary arqyly suaru jäne qajet jaǧdaida tasymaldau kölıgı arqyly suaru jüzege asyrylmaq.
Mäselen, Taldyqorǧan qalasynda saiabaq pen skver qūrylysy aiaqtaluǧa jaqyn. Atap aitqanda, «Qūlager» şaǧyn audanyndaǧy saiabaqtyŋ qūrylysy tamyz aiynyŋ aiaǧynda, al «Bırlık» şaǧyn audanyndaǧy skverdıŋ qūrylysy qyrküiek aiynyŋ soŋyna deiın bıtedı dep kütılude.
- Saiabaqtyŋ aumaǧy 1,2 gektardy qūraidy. Avtomatty suaru jüiesınıŋ jūmysyn tekseru-ıske qosu, gazon töseu jūmystary jürıp jatyr. Aǧaştar küzge qarai egıledı. Qazır saiabaqta balalar oiyn jäne sport alaŋy, futbol alaŋy, ätkenşekter men oryndyqtar qoiylǧan demalys alaŋy ornatylǧan. Sol siiaqty jaiau jürgınşı joldary, velojoldar, jaryq şamdary, basqa da abattandyrudyŋ zamanaui elementterı qarastyrylǧan, - deidı deidı Taldyqorǧan qalalyq TÜKŞ bölımınıŋ kommunaldyq sektor meŋgeruşısı Ramil Rahymbaev.
Jergılıktı tūrǧyndar saiabaqqa qazırden-aq kele bastaǧan.
- Taldyqorǧan özınıŋ yqşamdyǧymen, tazalyǧymen, jasyl jelegımen erekşelenedı. Oblys qūrylǧannan berı osy qalada tūratyn. Qalamyzdyŋ jyldan jylǧa güldenıp kele jatyr. Mūnda tūtatyn adamdardyŋ jüzı jyly, jaidary. Taldyqorǧanda tūrǧyn üiler, köptegen jaŋa ǧimarattar boi köterdı. «Taza Qazaqstan» baǧdarlamasynyŋ arqasynda kögaldandyruǧa köp köŋıl bölıne bastady. Mysaly, tūrǧyndardyŋ ömır süruıne qolaily ärı jaily jaǧdai jasau maqsatynda jaŋa şaǧyn audanda jaŋa saiabaq salynyp jatyr. Osyǧan bailanysty bız de maŋaiymyzdy tärtıpke keltırıp, taza ūstauymyz kerek, - deidı Aizat Janbolatqyzy.
Atap ötsek, oblys kölemınde jalpy aumaǧy 296,3 ga bolatyn 132 saiabaq, skver, alleialar bar. Būl rette oblys aumaǧynda biylǧy köktemgı kezeŋde 56 500-ge astam aǧaş otyrǧyzyldy.
