Bıyl Jańaózen qalasynyń onynshy synyptaǵy 50 oqýshysyna arnalǵan alǵashqy qońyraý úni, «Samuryq-Qazyna» AQ qoldaýymen, «IQanat High School of Burabay» mektep-pansıonatynda soǵylady. Oqýshylar munda jazǵy demalys ýaqytyn bosqa jibermeı, testileýden ótti. Matematıka, synı jáne keńistiktiktegi oılaýdan turatyn 3 kezeń Jańaózen qalasynan 858 oqýshyny qamtydy.
Elimizdiń úzdik mektepteriniń birinde Jańaózen qalasynyń oqýshylarynyń bilim alý múmkindigi «Samruk-Kazyna Trust» áleýmettik jobalardy damytý qory men «QazMunaıGaz» UK AQ qoldaýymen júzege asýda.
Mańǵystaý oblysy Jańaózen qalasynan irikteýden ótken 50 oqýshyǵa arnalǵan oqý granttaryn «Samruk-Kazyna Trust» qory tóledi. Granttar oqýǵa, jol júrýge jáne qajetti mektep kıimin alýǵa baılanysty shyǵyndardy jabady.
Jobaǵa qatysýshylar óz bilimderin jetildirip qana qoımaı, keleshek damý úshin qajetti daǵdylardy - synı oılaýdy, emoıonaldy zııatkerlikti, kóshbasshylyq qasıetterdi jáne jeke basyn jetiktikterge yntalandyrýdy meńgeredi. «IQanat» mektebiniń zamanaýı ári jańasha ádistemeleri boıynsha oqytý nátıjesinde balalardyń akademııalyq kórsetkishteri artyp, ózekti tehnıkalyq jáne shyǵarmashylyq IT-daǵdylary qalyptasady.
