جاڭاوزەن قالاسىنىڭ 50 وقۋشىسى «IQanat» مەكتەبىندە وقيدى

1831
Adyrna.kz Telegram

بيىل جاڭاوزەن قالاسىنىڭ ونىنشى سىنىپتاعى 50 وقۋشىسىنا ارنالعان العاشقى قوڭىراۋ ءۇنى، «سامۇرىق-قازىنا» اق قولداۋىمەن، «IQanat High School of Burabay» مەكتەپ-پانسيوناتىندا سوعىلادى. وقۋشىلار مۇندا جازعى دەمالىس ۋاقىتىن بوسقا جىبەرمەي، تەستىلەۋدەن ءوتتى. ماتەماتيكا، سىني جانە كەڭىستىكتىكتەگى ويلاۋدان تۇراتىن 3 كەزەڭ جاڭاوزەن قالاسىنان 858 وقۋشىنى قامتىدى.

ەلىمىزدىڭ ۇزدىك مەكتەپتەرىنىڭ بىرىندە جاڭاوزەن قالاسىنىڭ وقۋشىلارىنىڭ ءبىلىم الۋ مۇمكىندىگى «Samruk-Kazyna Trust» الەۋمەتتىك جوبالاردى دامىتۋ قورى مەن «قازمۇنايگاز» ۇك اق قولداۋىمەن جۇزەگە اسۋدا.

ماڭعىستاۋ وبلىسى جاڭاوزەن قالاسىنان ىرىكتەۋدەن وتكەن 50 وقۋشىعا ارنالعان وقۋ گرانتتارىن «Samruk-Kazyna Trust» قورى تولەدى. گرانتتار وقۋعا، جول جۇرۋگە جانە قاجەتتى مەكتەپ كيىمىن الۋعا بايلانىستى شىعىنداردى جابادى.

جوباعا قاتىسۋشىلار ءوز بىلىمدەرىن جەتىلدىرىپ قانا قويماي، كەلەشەك دامۋ ءۇشىن قاجەتتى داعدىلاردى - سىني ويلاۋدى، ەموتسيونالدى زياتكەرلىكتى، كوشباسشىلىق قاسيەتتەردى جانە جەكە باسىن جەتىكتىكتەرگە ىنتالاندىرۋدى مەڭگەرەدى. «IQanat» مەكتەبىنىڭ زاماناۋي ءارى جاڭاشا ادىستەمەلەرى بويىنشا وقىتۋ ناتيجەسىندە بالالاردىڭ اكادەميالىق كورسەتكىشتەرى ارتىپ، وزەكتى تەحنيكالىق جانە شىعارماشىلىق IT-داعدىلارى قالىپتاسادى.

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket