Türkıstan oblysy äkımdıgınıŋ qoldauymen, oblystyq Azamattyq Aliansy ZTQ nysanyndaǧy bırlestıgınıŋ ūiymdastyruymen «Auyldyq jerlerde ükımettık emes ūiymdardy damytu» taqyrybynda Respublikalyq forum ötude, dep habarlaidy “Adyrna” ūlttyq portaly.
Forumǧa arnaiy şaqyrtumen Amerika Qūrama Ştaty, Özbekstan, Qyrǧyzstan, Täjıkıstan Respublikalarynan kelgen qonaqtar men QR AQDM (Aqparat jäne qoǧamdyq damu ministırlıgı) azamattyq qoǧam ısterı komitetınıŋ ökılı, «Qazaqstannyŋ Azamattyq Aliansy» zaŋdy tūlǧalar bırlestıgınıŋ Prezidentı qatysty.
Forumnyŋ basty maqsaty – auyldyq jerlerdegı ükımettık emes ūiymdardyŋ bastamalaryn qoldau, olardy jan-jaqty damytu, sauattylyǧyn arttyru. Azamattyq qoǧammen bırge ükımettık emes ūiymdardyŋ belsendılıgın köteru.
Forumǧa spiker retınde Amerika Qūrama Ştaty, Vaşingtonnan - Muborak Taşpulatova, Özbekstan Respublikasynan - Damira Tohtasynovna, Qyrǧyzstan Respublikasynan - Nurgul Djanaeva, Täjıkıstan Respublikasynan - Nuriddin Karşiboev qatyssa, forumnyŋ negızgı spikerı retınde «Qazaqstannyŋ Azamattyq Aliansy» zaŋdy tūlǧalar bırlestıgınıŋ Prezidentı - Banu Nūrǧazieva, Türkıstan oblysynyŋ Qūrmettı azamaty Şärıpbek Jamalbek, «Bereke» Qoǧamdyq bırlestıgınıŋ töraiymy – Roza Abdullaeva söz söiledı.
Respublika kölemınde ötkızılıp jatqan şaranyŋ aşylu saltanatynda Türkıstan oblysy qoǧamdyq damu basqarmasynyŋ basşysy Aŋsar Öserbaev söz söilep, aimaq basşysynyŋ qūttyqtau hatyn oqyp berdı.
«Sızderdıŋ el igılıgı jolyndaǧy bastamalaryŋyzǧa Memleket tarapynan laiyqty qoldau körsetılıp keledı. Aldaǧy uaqytta «Jaŋa Qazaqstannyŋ» damu jolyna bet tüzegen elımızdıŋ jarqyn bolaşaǧy üşın aianbai eŋbek etetınderıŋızge kämıl senemın», degen basqarma basşysy, auyldyq jerlerdegı ükımettık emes ūiymdardyŋ bastamalaryn qoldauǧa oblys äkımdıgı tarapynan qoldauǧa daiyn ekenın jetkızdı.Bügınde älemnıŋ köptegen elınıŋ saiasatynda ükımettık emes ūiymdardyŋ rölı erekşe sipatqa ie. Öitkenı memlekettık basqaru jüiesıne qoǧamdyq qauymdastyqty aralastyrmai tüitkıldı mäselelerdı şeşu mümkın emes. Sarapşylardyŋ baǧalauynşa, Qazaqstandaǧy üşınşı sektor älemdık trendter baǧytynda damyp keledı. Iаǧni elımızdegı üşınşı sektordy qoldau memleket tarapynan da, bırqatar ırı kompaniianyŋ qaiyrymdylyq maqsattaǧy ÜEŪ arqyly da jüzege asuda.
”Adyrna” ūlttyq portaly
Ūqsas jaŋalyqtar
