Olıver Stoýnnyń Qazaq: The History of Golden Man jobasynyń ekinshi serııasynda Nursultan Nazarbaev Ózbekstanmen jáne Túrkimenstanmen biryńǵaı Túrkistan respýblıkasyn qurý usynylǵanyn aıtty, - dep habarlaıdy “Adyrna” ulttyq portaly Tengrinews.kz saıtyna silteme jasap.
Usynys 1991 jylǵy 16 jeltoqsanda Ortalyq Azııa elderiniń sammıtinde aıtylypty.
"Men osynda kelgende (Qazaqstanǵa Máskeýden keldim. - Esk.), Ózbekstan, Túrikmenstan - bári menen ne isteý keregin suraı bastady. Biz Túrikmenstanda, Ashhabadta jınalýdy uıǵardyq. Túrkimenstannyń marqum prezıdenti Saparmurat Nııazov bizge birigýdi, Túrkistan respýblıkasyn qurýdy usyndy. Bul qaýipti bolar edi. Bul qaqtyǵys, slavıan respýblıkalarymen soǵys bolar edi. Slavıandar men slavıan emester arasynda bóliný paıda bolar edi", - dep bólisti Nazarbaev.
Ol bul kóptegen usynystyń biri ekenin túsindirdi.
"Men jáne Ózbekstan Prezıdenti mundaı ıdeıaǵa qarsy shyqty. Nelikten Reseı, Ýkraına jáne Belarýs Keńes Odaǵynyń taratylǵany týraly jarııalady? Sebebi sonaý 1920 jyly Soıalıstik Respýblıkalar Odaǵy qurylǵan kezde, osy úsheýi alǵashqy qol qoıýshylar bolǵan. Ashhabadta otyrǵanda Elın birneshe ret qońyraý shalyp, bárin Belovej kelisimine qosylýǵa kóndirýdi ótindi", - dedi Tuńǵysh Prezıdent.
Onyń aıtýynsha, talqylaý eki kúnge sozyldy.
"Konsensýs osylaı bolǵan soń, teketiresýdiń qajeti joq, teń quqyly múshe retinde Táýelsiz Memleketter Dostastyǵyna kirý kerek edi. Biz (Reseı, Ýkraına jáne Belarýs basshylary. - Esk.) basshylaryna bizge kelińizder, biz qol qoıamyz dep usyndyq. Belovej kelisimi 8 jeltoqsanda, 1991 jyly 21 jeltoqsanda Almatyda TMD qurý týraly kelisimge qol qoıdyq", - dedi Nazarbaev.
“Adyrna” ulttyq portaly
