Almatydaǧy Alatau audany tūrǧyndary bügın taǧy da dau şyǧardy. Būl joly Tomiris şaǧyn audanynyŋ tūrǧyny äkımdık üiımdı būzsa, özımdı örtep jıberemın dep mälımdedı. Er adam enesınıŋ atyndaǧy jerge üi salyp, qabyrǧasyn tūrǧyzypty. Bıtuge taiaǧanda, äkımdıktegı atqamınerler üiın būzuǧa kelıptı. Öitkenı būl jerdıŋ zaŋdy qūjaty joq eken. Būl turaly Stan.kz aqparat agenttıgı habarlaidy.
Ǧalymjan Serıkūly - bırınşı toptaǧy mügedek. Enesınıŋ atyndaǧy jerge salǧan üige qaqqan bır tal şegenı, şekemnen aqqan terge balap juyrda kırgelı otyrǧanmyn deidı."Būl jer negızı enemnıŋ atynda bolǧan, şeşımı bar. Osy uaqytşa üi salǧan ol kısıler. Sonymen osylai menıŋ densaulyǧym jaramsyz bolyp qalǧannan keiın, endı qūjaty tolyǧymen bıtpegennen keiın, senıŋ densaulyǧyŋ jaramsyz, özıŋ qūjatyn jäi-jäi turalap alasyŋ degennen keiın, salǧanmyn osy jerdı", - dedı Ǧalymjan Serıkūly.Būl otbasy jerdıŋ qūjatyn räsımdeuge aryz da berıptı. Alaida ötınış qaralmaǧan. Ǧalymjannyŋ jarynyŋ sözınşe, endı üi bıtkende, äkımdıkte belsendı bolyp jürgen Baǧdat esımdı qyzmetker däl osy jerge talasqan. Al özın Alatau audany äkımdıgınde jäi belsendımın dep tanystyrǧan azamat, äkımdık bärın bylyqtyrǧan dep aşuly.
"Men äkımdıkke baryp aitamyn, nege sender tanyspenen jasatasyŋdar jerdı dep. "Samozahvat" qanşa jyldan berı toqtady, eldıŋ bärı bıledı, 5-6 jyl bolyp kettı. Men de osylar ūqsap jer basyp alǧym keledı", - dedı Alatau audany belsendısı Baǧdat Qojamqūlov.Alaida Alatau audany äkımdıgı jerdı räsımdeu qalalyq äkımdıktıŋ jer komitetıne tiesılı dep otyr. Sondyqtan şarasyz ekenın aitady. Alaida būzuǧa būiryq kelse, oryndaitynyn mälımdedı.
"Jer komissiiasy bar, ol komiissiianyŋ şeşımıne säikes būl kısılerdıŋ qolynda memlekettık akt joq. Būl memlekettık rezervte tūrǧan jer. Būl jerge zaŋsyz üi -qūrylysyn basyp aluy jolymen, zaŋsyz üi salǧan", - dedı Alatau audany äkımdıgınıŋ özın-özı basqaru komitetınıŋ töraǧasy Däulet Ahmetov.Ǧalymjan tırnektep tūrǧyzǧan tört qabyrǧany būzatyn bolsa, üi iesı özımdı örteimın dep otyr. Al Alatau äkımdıgı būl jerdı zaŋsyz basyp alǧandyqtan qūjat şyqpaǧan, sondyqtan endı ne özderı būzyp alsyn, ne sot tas-talqan etedı dep mälımdedı.
Ūqsas jaŋalyqtar
