Almatydaǵy Alataý aýdany turǵyndary búgin taǵy da daý shyǵardy. Bul joly Tomırıs shaǵyn aýdanynyń turǵyny ákimdik úıimdi buzsa, ózimdi órtep jiberemin dep málimdedi. Er adam enesiniń atyndaǵy jerge úı salyp, qabyrǵasyn turǵyzypty. Bitýge taıaǵanda, ákimdiktegi atqaminerler úıin buzýǵa kelipti. Óıtkeni bul jerdiń zańdy qujaty joq eken. Bul týraly Stan.kz aqparat agenttigi habarlaıdy.
Ǵalymjan Serikuly - birinshi toptaǵy múgedek. Enesiniń atyndaǵy jerge salǵan úıge qaqqan bir tal shegeni, shekemnen aqqan terge balap jýyrda kirgeli otyrǵanmyn deıdi.
"Bul jer negizi enemniń atynda bolǵan, sheshimi bar. Osy ýaqytsha úı salǵan ol kisiler. Sonymen osylaı meniń densaýlyǵym jaramsyz bolyp qalǵannan keıin, endi qujaty tolyǵymen bitpegennen keıin, seniń densaýlyǵyń jaramsyz, óziń qujatyn jáı-jáı týralap alasyń degennen keıin, salǵanmyn osy jerdi", - dedi Ǵalymjan Serikuly.
Bul otbasy jerdiń qujatyn rásimdeýge aryz da beripti. Alaıda ótinish qaralmaǵan.
Ǵalymjannyń jarynyń sózinshe, endi úı bitkende, ákimdikte belsendi bolyp júrgen Baǵdat esimdi qyzmetker dál osy jerge talasqan.
Al ózin Alataý aýdany ákimdiginde jáı belsendimin dep tanystyrǵan azamat, ákimdik bárin bylyqtyrǵan dep ashýly.
"Men ákimdikke baryp aıtamyn, nege sender tanyspenen jasatasyńdar jerdi dep. "Samozahvat" qansha jyldan beri toqtady, eldiń bári biledi, 5-6 jyl bolyp ketti. Men de osylar uqsap jer basyp alǵym keledi", - dedi Alataý aýdany belsendisi Baǵdat Qojamqulov.
Alaıda Alataý aýdany ákimdigi jerdi rásimdeý qalalyq ákimdiktiń jer komıtetine tıesili dep otyr. Sondyqtan sharasyz ekenin aıtady. Alaıda buzýǵa buıryq kelse, oryndaıtynyn málimdedi.
"Jer komıssııasy bar, ol komııssııanyń sheshimine sáıkes bul kisilerdiń qolynda memlekettik akt joq. Bul memlekettik rezervte turǵan jer. Bul jerge zańsyz úı -qurylysyn basyp alýy jolymen, zańsyz úı salǵan", - dedi Alataý aýdany ákimdiginiń ózin-ózi basqarý komıtetiniń tóraǵasy Dáýlet Ahmetov.
Ǵalymjan tirnektep turǵyzǵan tórt qabyrǵany buzatyn bolsa, úı ıesi ózimdi órteımin dep otyr.
Al Alataý ákimdigi bul jerdi zańsyz basyp alǵandyqtan qujat shyqpaǵan, sondyqtan endi ne ózderi buzyp alsyn, ne sot tas-talqan etedi dep málimdedi.
