Bır jyl būryn synyptasy qalam laqtyryp, közı körmei qalǧan oquşynyŋ ata-anasy ädıldık ızdep, "sau balamdy soqyr etkenderge" tym jeŋıl jaza berıldı dep otyr. Sözınşe, sabaq kezınde balaǧa tıkelei jauapty tūlǧalar jai ǧana sögıspen qūtylǧan eken. Al ıstı jabu üşın emge dep azyn-aulaq aqşa jinap berıptı. Biyl taǧy da jetı jüz myŋ teŋge ūsyndy deidı jäbırlenuşı. Al qarjy eş jazyǧy joq mūǧalımderden jinalǧanyn estıp, kömekten üzıldı-kesıldı bas tartypty. Serık Äkımbaev bala qauıpsızdıgıne salǧyrt qaraǧan direktor jūmystan quylsyn degen talap qoidy, dep habarlaidy “Adyrna” ūlttyq portaly.
31-arnanyŋ “İnformbiuro“ baǧdarlamasynyŋ habarlauynşa, 11 jastaǧy Erkeǧali – Serık Äkımbaevtyŋ tūla boiy tūŋǧyşy. Sözınşe, bır jarym jyldan berı ūlynyŋ sol közı körmeidı. Öitkenı ötken jyly sabaq üstınde synyptasy Erkeǧaliǧa qalam laqtyryp, közı aǧyp ketken. Sodan berı tört ret ota jasatypty. Endı balasy besınşı ret auruhanaǧa jatqyzylyp otyr. Bıraq därıgerler ümıtten küdık basym ekenın aitypty, sebebı közı jüz paiyz körıp ketetınıne kepıl joq.
“Biyl bala üş ai boiy är auruhananyŋ baspaldaǧyn tozdyryp jür. Endı bızge Peterburg qalasyna joldama berdı. Katon-Qaraǧaidan Sank-Peterburgqa balamyz ekeumız baryp qaitqanymyzdy eseptegende 2 mln 300 myŋ teŋge aqşa kerek eken. Al otasy qaida, jatar orny qaida, onyŋ audarmaşysy qaida?”, – dedı jäbırlenuşınıŋ äkesı Serık Äkımbaev.
Aituynşa, kezınde keşırım alu üşın kerektı kömektı körsetemız dep köl-kösır uäde bergen tarap ızım-ǧaiym joq. Sosyn şeneunıkterden "Qazaqstan halqyna" qorynan qarjy aluǧa järdemdesudı ötınıptı. Öitkenı otaǧa qajettı qarjyny tek osy ūiym ǧana bere alady. Mektep direktory bolsa mūǧalımderden jetı jüz myŋ aqşa jinap äkeptı. Alaida odan bas tartuǧa mäjbür bolǧan.
“Bırınşı qyrküiekte men ekı balamdy ol mektepke jıberuden bas tartamyn. Qorqamyn jıberuge. Aidyŋ künınıŋ amanynda, taŋǧy saǧat jetıde balamdy mektepke jıberemın. Al tüste közı qantalap keldı. Baiaǧyda bız oqyp jürgende bız 26 bala oqydyq. Al qazır ainaldyrǧan on balaǧa ie bola almaityn mūǧalımnıŋ keregı ne?”, – dep qosty Serık Äkımbaev.
Äkımdık ökılderı barlyq jauaptylar zaŋ aiasynda laiyqty jazasyn aldy dedı. Mysaly, synyp jetekşısı men direktorǧa sögıs berılgen. Qosymşa äkımşılık aiyppūl salynypty. Aituynşa, jazataiym jaǧdai bolǧandyqtan mektep qyzmetkerlerınıŋ kınäsı joq. Al jetı jüz myŋ teŋgenı mūǧalımderden öz erıkterımen jinady deidı.
“Sol balaǧa kım aiamaidy kömek bergısı kelgender öz erkımen kömek retınde audandyq bılım bölımıne aqşa ötkızgen. 700 myŋ teŋge kölemınde qarajat jinaldy, ata-anasy özderı qabyldamady”, – dep mälımdedı ŞQO Bılım basqarmasynyŋ bölım basşysy Äsem Nüskenova.
Şeneunıkter Äkımbaevtarǧa kömek körsetılgenın jäne qajetınşe qoldauǧa daiyn ekenderın jetkızdı. Olar būǧan deiın de otaǧa joldama berıp kelgen. Bıraq şet elderde jasalatyn ota jaiyn tek ministrlık şeşedı dep otyr. Al olar bas tartqan aqşany audandaǧy emge mūqtaj özge de balalarǧa ülestırıptı.
