Jaǵdaıy óte aýyr: Kovıd juqtyrǵan búldirshin jansaqtaý bóliminde jatyr

6691
Adyrna.kz Telegram

Pavlodarda bir jasar bala koronavırýstan keıin jansaqtaý bólimine tústi, dep habarlaıdy “Adyrna” ulttyq portaly Sputnik Qazaqstan saıtyna silteme jasap. 

Oblystyq aýrýhananyń ınfekııalyq staıonar dırektorynyń orynbasary Zere Sadaqovanyń aıtýynsha, ondaı asqynýlar sırek kezdesedi.

Bas kezinde búldirshinde aralas koronavırýstyq pnevmonııa anyqtalǵan. Ókpesiniń 36 proenti qabynyp ketken.

"Ol kezde dınamıkasy jaqsy boldy. Biraq eki kúnnen keıin koronavırýs kezinde sırek kezdesetin pnevmomedıastınýmnyń (kókirek tusynda aýanyń jınalýy - Sputnik) saldarynan jaǵdaıy kúrt nasharlap ketti", - deıdi Sadaqova.

Qazirgi kezde búldirshindi ókpeni jasandy jeldetý apparatyna qosyp qoıǵan. Biraq jaǵdaıy óte aýyr.

Infekııalyq aýrýhanada 15 jastaǵy bala da bar. Negizgi aýrýy – nefrozdyq sındrom. Bas kezinde astanada emdelgen. Biraq ol jatqan bólimde bir naýqastan koronavırýs tabylǵandyqtan, karantın jarııalandy.

Tamyzdyń basynda ol Pavlodardaǵy ınfekııalyq balalar aýrýhanasyna tústi. PTR-test oń nátıje kórsetti. Sodan birden staıonarǵa jatqyzylǵan.

"Qazirgi kezde jasóspirimniń jaǵdaıy jaqsardy. Ony negizgi bólimge aýystyraıyn dep jatyr", - deıdi Sadaqova.

Resmı málimetke sáıkes, Pavlodar oblysynda 144 baladan koronavırýs anyqtaldy. 56 bala aýrýhanada emdelip jatyr. Qalǵany úıde em-dom qabyldap júr.

Pavlodar oblysy "qyzyl" aımaqqa kiredi. Sońǵy bir táýliktiń ishinde 265 adam indet juqtyrǵan.

Pikirler