Pavlodarda úsh jigit zorlaǵan jetim qyz 10-qabattan sekirip ketti

1938

NeMolchı qorynyń basshysy, qoǵam belsendisi Dına Tańsári Pavlodarda 16 jastaǵy jetim qyzdy úsh jigit aıaýsyz zorlaǵanyn habarlady, dep jazady "Adyrna" ulttyq portaly.

Onyń aıtýynsha, 16 jastaǵy qyz zorlyq-zombylyqqa shydamaı, 10-qabattan sekirip ketken.

"Qyzdy aldaý jolymen páterge kirgizip, zorlaǵan. Ol muny kótere almaı terezeden sekirip ketti. Eń qorqynyshtysy, bul qyz - tul jetim, Pavlodardaǵy balalar úıiniń tárbıelenýshisi. Bizge onyń úlken ápkesi habarlasyp, kámeletke tolǵan jalǵyz jaqyny ekenin aıtty. Qazir shuǵyl túrde zardap shekken qyzǵa ony qamqorshy retinde rásimdeýimiz qajet",- dep jazdy ol óziniń feısbýk paraqshasynda. 

Ekibastuzdan kelgen apaly-sińliler 2009 jyldan beri eki bólek jetimder úıinde tárbıelengen.

"Analary 2010 jyly ata-ana quqyǵynan aıyrylǵan. 2012 jyly kóz jumyp, qyzdar tul jetim qalǵan. Osylaısha apaly-sińliler patronattyq otbasyǵa túsip, qamqorshydan talaı taıaq jegen. Úlken ápkesi 2021 jyly turmysqa shyqqan. Al kishi sińlisi qashyp ketken. Kolledjge túskennen keıin Jasóspirimder úıine ornalastyrǵan", - deıdi qoǵam belsendisi. 

Týǵan kúnge barǵan qyz úsh jigit tarapynan zorlyq-zombylyqqa tap bolady...

"Ol tanysynyń týǵan kúnine baryp, alaıda ol jerde ózin yńǵaısyz sezinip, aqyry ketip qalady. Ápkemniń úıine baryp, sol jerde qalamyn dep oılaıdy. Biraq, Pavlodar qalasyn bilmeı adasyp, orta jolda úsh jigitti kezdestiredi. Onyń bireýi ápkesiniń synyptasy bolyp shyǵady. Ol ony olarmen birge barýǵa kóndirip, taksı shaqyryp, ápkene jiberemin dep ýáde beredi. Alaıda, ary qaraı qorqynyshty tús oryn alyp, ápkesi sińlisin izdeı bastaıdy. Biraq, sol sátte onyń telefony óshirýli bolady",- deıdi Dına Tańsári.

Osylaısha, úsh jigit 16 jastaǵy qyzdy páterge aldap kirip, aıaýsyz zorlaǵan. Azǵyndardyń arsyz áreketine shydaı almaǵan stýdent 10-qabattan sekirip ketken. Tiri qalyp, uzaq ýaqyt jansaqtaý bóliminde jatqan.

"Omyrtqasy synyp, ishki aǵzalaryna zaqym kelgen. Ishki qurylysynyń qabynýy mı jumysyna keri áser etýde. Qazir onyń kórý qabileti nasharlap, este saqtaý qabileti buzyldy. Tórt ret ota jasaldy. Alda taǵy jasalady", - deıdi qoǵam belsendisi. 

Pavlodar oblysy polıııa departamentiniń málimetinshe, 16 jastaǵy qyzdy zorlaý deregine qatysty kúdiktiler ustaldy. 

"Qazir Qylmystyq kodekstiń 120-baby 3-1 bóligi (Zorlaý), 105-baby(Ózin-ózine qol salýǵa deıin jetkizý) jáne 121-babynyń 3-1 bóligi (Seksýaldy sıpattaǵy zorlyq-zombylyq áreketteri) boıynsha tergeý júrip jatyr. Saraptamalar taǵaıyndaldy. Tergeý erekshe baqylaýǵa alyndy", – delingen habarlamada. 

"Adyrna" ulttyq portaly

Pikirler
Redakııa tańdaýy