Aqyldy ul-qyzdarymyzdyń óz tilin ózekke teýip, el damýyna úles qospaıtyny qynjyltady - Tımýr BEKTUR

1072

Qazaq tiliniń damýy, qazaq kontentiniń órleýi týraly janashyp jandar únemi jazyp kele jatyr. Tımýr Bektur óz facebook paraqshasynda oılanarlyq áserli jazba qaldyrdy, dep habarlaıdy “Adyrna” ulttyq portaly.

“Til týraly áńgime qozǵaǵyń kelmeıdi-aq. Biraq, halyqaralyq deńgeıdegi kompanııalarǵa jumysqa turǵan, sheteldik oqýǵa túsken, taǵy sol sııaqty jetistikke jetken ul-qyzdarymyzdy únemi izdep júrip taýyp alamyn da dereý Instagramyn qaraımyn. Bilesizder me, 90-95% oryssha jazady.

Iá, olardyń ishinde kóbi nemese barlyǵy derlik qazaqsha túsinetinder, sóıleı alatyndar. Biraq, syrtqy álemmen kommýnıkaııasy orys tilinde qalyptasqan.

Nelikten?

Bilmeımin. Bilgim de kelmeıdi. Tek… sondaı aqyldy órenderimizdiń óz tilin ózekke tebetini, oryssha kontent rýnet kontentin kóbeıtpese, onyń qazaqtyń damýyna esh úles qospaıtyny qynjyltady.

Árıne, olarǵa baryp moral oqı almaımyz. Talap ta qoıa almaımyz. Áke-sheshe, aınalasyndaǵy qorshaǵan ortasy solaı bop tur ǵoı, demek. Áttegen-aıy, Nazarbaev Zııatkerlik mektepteri deımiz, Respýblıkalyq fızmat mektebi deımiz, sol sııaqty ózge de elıtarlyq ordalardan ana tilinde kontent jasamaıtyndardyń kóptep shyǵyp jatqany.

Al endi renjimeıin deseń, HHI ǵasyrdaǵy qoǵamnyń damýy kontentke baılanysty ekendigin basqa-basqa, tap solar bilmeıdi emes, biledi.

Data ınjener, data saıntıster kóp-aq. Qazaqsha birdeńe isteıin deseń, kúniń qazaqsha dataǵa tireletinin olar bilmegende, kim biledi basqa? Biraq olar ne istep jatyr sol jolda?

Esh-te-ńe!

Iá… jetistikke jete bersin. Bálkim, bir kúnderi qazyǵyn aınalyp tabar… Sóıtip júrip ultynan múldem jerinip ketpese…

Bar aıtaıyn degenim, “qazaqsha kontent, qazaqsha kontent” dep te sharshaıdy ekensiń. Álemniń trln málimetin jalǵyz óziń ne sanaýly adam bop qazaqsha qalaı jetkizesiń, eger ”Oqyttyq, toqyttyq. Endi olar qazaqtyń kógine órmelep shyǵyp kún bolady” dep úmitińdi úkilep otyrǵanda, ózge tildiń toqymyn qaǵyp júrgende?

Bilmeımin, ne isteýge bolatynyn… Qarap tursań, myna zaman adamǵa renjıtin de zaman emes. Onyń ústine óz kúshimen jetistikke jetip jatqandarǵa. Tek, tómen qarap, qıqym terip ketesiń be… sondaı bir kúı…”,- dep kúrsindi ol jazbasynda.

“Adyrna” ulttyq portaly

Pikirler
Redakııa tańdaýy