Resei prezident Vladimir Putinnıŋ rezidensiiasyna «şabuyl jasaldy» degen mälımdemesıne älı eşqandai dälel ūsynbady. Būl turaly Ukraina syrtqy ıster ministrı Andrei Sibiga aitty, dep habarlaidy «Adyrna» tılşısı.
«Arada bır täulıkke juyq uaqyt ötse de, Resei Ukrainaǧa taǧylǧan aiyptau boiynşa bırde-bır senımdı dälel keltırgen joq, keltırmeidı de. Öitkenı ondai dälel joq. Mūndai şabuyl bolmaǧan», – dep jazdy ol X äleumettık jelısınde.
Sibiga būl oqiǧaǧa qatysty BAÄ, Ündıstan jäne Päkıstannyŋ alaŋdauşylyq bıldıruı taŋǧalarlyq jaǧdai ekenın atap öttı.
«Būl üş memlekettıŋ 2025 jylǧy 7 qyrküiekte Resei zymyrany Ukrainanyŋ ükımet ǧimaratyna tigen kezde eşqandai resmi mälımdeme jasamaǧanyn eskersek, būl tıptı erekşe taŋǧaldyrady», – dedı ministr.
Syrtqy ıster ministrı Reseidıŋ «jalǧan mälımdemelerge toly ūzaq tarihy» bar ekenın eske saldy.
«Resei 2022 jyldyŋ basynda Ukrainaǧa şabuyl jasamaitynyn mälımdegen bolatyn. Olar jiı özderı josparlap otyrǧan äreketterı üşın özgelerdı aiyptaidy. Olardyŋ sözın eşqaşan şyndyq retınde qabyldauǧa bolmaidy», – dedı ukrain diplomatiiasynyŋ basşysy.
Sondai-aq ol memleketterdı tekserılmegen aiyptaularǧa reaksiia bıldıruden bas tartuǧa şaqyrdy. Aituynşa, būl soŋǧy uaqytta alǧa jyljyp kele jatqan syndarly beibıt üderıstı «älsıretedı».
Eske salaiyq, būǧan deiın prezident Qasym-Jomart Toqaevtyŋ Resei prezidentınıŋ rezidensiiasyna jasalǧan şabuyldy aiyptaǧanyn jazǧan edık.
